ହାଇଦ୍ରାବାଦ: ବଲିଉଡ ଅଭିନେତ୍ରୀ ଜାହ୍ନବୀ କପୁରଙ୍କ ନୂଆ ଫିଲ୍ମ 'ଗୁଡ୍ ଲକ୍ ଜେରୀ' (Good Luck Jerry)ର ଟ୍ରେଲର ଗୁରୁବାର ଦିନ ମୁକ୍ତିଲାଭ କରିଛି । ଟ୍ରେଲରରୁ ଏହା ଜଣାପଡିଛି ଯେ, ଜାହ୍ନବୀ କପୁର ବିହାରୀ ଝିଅ ଚରିତ୍ରରେ ଅଭିନୟ କରୁଛନ୍ତି, ଯିଏ ବିହାରରୁ ପଞ୍ଜାବକୁ କାମ ଖୋଜିବା ପାଇଁ ଆସିଛି । ଏହାପୂର୍ବରୁ ଫିଲ୍ମର ପ୍ରଥମ ପୋଷ୍ଟର ସେୟାର କରାଯାଇଥିଲା ।
2.50 ମିନିଟର ଟ୍ରେଲରର ଆରମ୍ଭ ହୁଏ ଜାହ୍ନବୀ କପୁରଙ୍କଠାରୁ, ଯିଏ ପଞ୍ଜାବର ଜଣେ ବ୍ୟକ୍ତିଙ୍କୁ କାମ ମାଗୁଛନ୍ତି । କାହିଁକି ନା ତାଙ୍କ ମାଆଙ୍କ ଚିକିତ୍ସା ପାଇଁ ଟଙ୍କା ଦରକାର । ଏହା ପରେ ଜାହ୍ନବୀ କପୁର ଅନ୍ୟମାନଙ୍କର ମସାଜ୍ କରୁଥିବା ଦେଖାଯାଏ । ଟ୍ରେଲରରେ ଦର୍ଶାଯାଇଛି ଯେ, ମସାଜ୍ ସେଣ୍ଟର ନାଁରେ ଅଶ୍ଳୀଳ କାମ କରାଯାଉଛି, ଯେଉଁଠାରେ ଜାହ୍ନବୀ କପୁର ମଧ୍ୟ କାମ କରୁଛନ୍ତି ।