ହାଇଦ୍ରାବାଦ: ବଲିଉଡ ଅଭିନେତା ସନ୍ନି ଦେଓଲ ତାଙ୍କର ଆଗାମୀ ଚଳଚ୍ଚିତ୍ର 'ଗଦର ୨' ପାଇଁ ଏବେ ଶିରୋନାମାରେ ରହିଛନ୍ତି । ଅଗଷ୍ଟ 11ରେ ଫିଲ୍ମ ରିଲିଜ ହେବ। ଫିଲ୍ମକୁ ନେଇ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଥିବା ବେଳେ ବର୍ତ୍ତମାନ 'ଗଦର ୨'ର ନୂଆ ଗୀତ' ମେନ୍ ନିକ୍ଲା ଗଡି ଲେକେ' ରିଲିଜ୍ ହୋଇଛି । ଗୀତରେ ତାରା ଏବଂ ସକିନା ପୁଣି ପୁରୁଣା ଅନ୍ଦାଜରେ ନଜର ଆସିଛନ୍ତି ।
ଏହି ଗୀତରେ ସନ୍ନି ଅମୀଷା ଏବଂ ଉତ୍କର୍ଷଙ୍କ ସହିତ ମୂଳ ଗୀତର ଆଇକନିକ୍ ହୁକ୍ ଷ୍ଟେପ୍ରେ ଡ୍ୟାନ୍ସ କରୁଥିବା ଦେଖିବାକୁ ମିଳିଛି । ଭିଡିଓଟି ଜିତେ (ଉତ୍କର୍ଷ)ଙ୍କ ପିତାଙ୍କୁ ମୋଟରସାଇକେଲ କିଣିବାକୁ ଅନୁରୋଧ କରିଛନ୍ତି । ଏହାପରେ ସକିନା ତାରା ସିଂଙ୍କୁ ଏକ ମୋଟରସାଇକେଲ କିଣାଇ ଦେବାକୁ କହିଥିଲେ । ପରେ ତାରା ଏକ ଉତ୍ସବରେ ପୁଅକୁ ଏକ ନୂଆ ମୋଟରସାଇକେଲ୍ ଦିଅନ୍ତି । ଏହାପରେ ଉଭୟ ବାପା ପୁଅ ବାଇକ୍ ଚଳାଉଥିବା ବେଳେ 'ମେନ୍ ନିକ୍ଲା ଗାଡି ଲେକେ' ଗୀତ ଆରମ୍ଭ ହୋଇଛି । ଏହି ସମୟରେ, ଜିତ୍ ତାଙ୍କ ପିତାମାତାଙ୍କ ସହ ତାଙ୍କର ଗଦର ରୋମାନ୍ସକୁ ପୁନଃଜାଗ୍ରତ କରିବାକୁ ଚେଷ୍ଟା କରୁଥିବା ଦେଖିବାକୁ ମିଳିଛି ।
ମେନ୍ ନିକ୍ଲା ଗଡି ଲେକେର ମୂଳ ସଂସ୍କରଣ ପ୍ରସିଦ୍ଧ ସ୍ୱର୍ଗତ ଗୀତିକାର ଆନନ୍ଦ ବକ୍ସିଙ୍କ ଦ୍ୱାରା ଲେଖାଯାଇଥିଲା । ଏହାକୁ ମିଥୁନଙ୍କ ଦ୍ୱାରା ପୁନଃନିର୍ମାଣ କରାଯାଇଛି । ଏହି ଗୀତକୁ ମିଥୁନଙ୍କ ସହ ଉଦିତ ନାରାୟଣ ଏବଂ ଆଦିତ୍ୟ ନାରାୟଣଙ୍କ ପିତା-ପୁତ୍ର ଯୋଡ଼ି ଗାଇଛନ୍ତି । ତେବେ 'ଗଦର-୨' ଅକ୍ଷୟ କୁମାରଙ୍କ ଆଗାମୀ ଚଳଚ୍ଚିତ୍ର OMG-2 ସହିତ ପ୍ରତିଦ୍ୱନ୍ଦ୍ୱିତାରେ ଅଗଷ୍ଟ 11ରେ ରିଲିଜ ହେବ । ନିକଟରେ ଫିଲ୍ମଟି ସେଣ୍ଟ୍ରାଲ ବୋର୍ଡ ଅଫ ଫିଲ୍ମ ସାର୍ଟିଫିକେଟ୍ ପକ୍ଷରୁ ଏକ U/A ସାର୍ଟିଫିକେଟ୍ ପାଇଛି । ସେପଟେ ଫିଲ୍ମ ପ୍ରମୋସନରେ ଜୋରଦାର ଲାଗିପଡିଛନ୍ତି ସନ୍ନି ଏବଂ ଅମୀଷା ।
ଏହା ମଧ୍ଯ ପଢନ୍ତୁ: ଗଦର 2ରେ ନାନା ପାଟେକରଙ୍କ ଏଣ୍ଟ୍ରି, ଜାଣନ୍ତୁ କ'ଣ ରହିଛି ଅଭିନେତାଙ୍କ ରୋଲ
ଫିଲ୍ମର ନିର୍ଦ୍ଦେଶନା ଦେଇଛନ୍ତି ନିର୍ଦ୍ଦେଶକ ଅନିଲ ଶର୍ମା । ପ୍ରଥମ ଭାଗରେ ତାରା ପାକିସ୍ତାନୀ ପତ୍ନୀ ସକିନାଙ୍କୁ ଫେରାଇ ଆଣିବା ପାଇଁ ସଂଗ୍ରାମ କରିଥିଲେ । ସେହିପରି ଦ୍ବିତୀୟ ଭାଗରେ ତାରା ସିଂ ତାଙ୍କ ପୁଅ ଚରଣଜିତଙ୍କୁ ଭାରତ ଫେରାଇ ଆଣିବାକୁ ପାକିସ୍ତାନ ଯିବେ । ଗଦର ନିର୍ଦ୍ଦେଶକ ଅନିଲ ଶର୍ମାଙ୍କ ପୁଅ ଉତ୍କଳ ଶର୍ମା ଗଦରରେ ଚରଣଜିତ ଭୂମିକାରେ ନଜର ଆସିବେ । ଫିଲ୍ମରେ ସନ୍ନି ଦେଓଲ ଏବଂ ଅମୀଷା ପଟେଲଙ୍କ ବ୍ୟତୀତ ଗୌରବ ଚୋପ୍ରା, ଉତ୍କର୍ଷ ଶର୍ମା ଏବଂ ଲଭ ସିହ୍ନା ନଜର ଆସିବେ ।
