ମୁମ୍ବାଇ: ବଲିଉଡ ଲୋକପ୍ରିୟ ଅଭିନେତା ସନ୍ନି ଦେଓଲଙ୍କ 'ଗଦର-୨' ଏକ ବ୍ଲକବଷ୍ଟର ପ୍ରମାଣିତ ହୋଇଛି। 22ବର୍ଷ ପୂର୍ବେ ଯେପରି ଫିଲ୍ମ ଲୋକପ୍ରିୟତା ହାସଲ କରିଥିଲା ଠିକ୍ ସେହିପରି ଏବେ ମଧ୍ୟ ଲୋକଙ୍କ ମଧ୍ୟରେ ଗଦର-2କୁ ନେଇ କ୍ରେଜ୍ ଦେଖିବାକୁ ମିଳିଛି । ଓପନିଂ ଦିନଠାରୁ ଫିଲ୍ମ ଦର୍ଶକଙ୍କ ମନ ଜିତି ଆସୁଛି । ତେବେ 4ର୍ଥ ଦିନରେ ଫିଲ୍ମ ବମ୍ପର୍ କଲେକ୍ସନ ସହ 150କୋଟିରୁ ଅଧିକ ଆୟ କରିବାରେ ସଫଳ ହେବା ସହ ବର୍ତ୍ତମାନ ଫିଲ୍ମ ଡବଲ ସେଞ୍ଚୁରୀ କରିବାକୁ ପ୍ରସ୍ତୁତ ହୋଇଛି ।
ଅଗଷ୍ଟ 11 ଅର୍ଥାତ୍ ଶୁକ୍ରବାର ଦିନ ମୁକ୍ତିଲାଭ କରିଥିବା ଗଦର-2 ସହ ସନ୍ନି ଦେଓଲ ବକ୍ସ ଅଫିସ୍ରେ ଧମାକା କରି ଚାଲିଛି । ଅନିଲ ଶର୍ମାଙ୍କ ନିର୍ଦ୍ଦେଶିତ ଏହି ଫିଲ୍ମ ପ୍ରଥମ ସପ୍ତାହ ଶେଷରେ ଘରୋଇ ବକ୍ସ ଅଫିସ୍ରେ 135.08 କୋଟି ଟଙ୍କା ଆୟ କରିଥିଲା । ଏଥିସହ 4ର୍ଥ ଦିନ ଅର୍ଥାତ୍ ସୋମବାର ଦିନ ବି ତାରା ସିଂ ଏବଂ ସାକିନାଙ୍କ ଯାଦୁ ଜାରି ରହିଛି । ରିପୋର୍ଟ ଅନୁଯାୟୀ, ଫିଲ୍ମ ଚତୁର୍ଥ ଦିନରେ 40 କୋଟି ଟଙ୍କା ରୋଜଗାର କରିଛି । ଏହା ସହିତ, ଗଦର-2ର ଚାରି ଦିନିଆ ମୋଟ ବକ୍ସ ଅଫିସ୍ କଲେକ୍ସନ ପ୍ରାୟ 175 କୋଟି ଟଙ୍କାକୁ ବୃଦ୍ଧି ପାଇଛି । ଏହି ଚଳଚ୍ଚିତ୍ରଟି ବର୍ତ୍ତମାନ ଆଜି ସ୍ୱାଧୀନତା ଦିବସରେ 200 କୋଟି କ୍ଲବରେ ସାମିଲ ହେବାକୁ ପ୍ରସ୍ତୁତ ହୋଇଛି ।
ଗଦର-2ର ବିଦେଶୀ ବ୍ୟବସାୟ ବିଷୟରେ କହିବାକୁ ଗଲେ ଏହି ଚଳଚ୍ଚିତ୍ରଟି ପ୍ରଥମ 4 ଦିନରେ 3 ମିଲିୟନ୍ ଡଲାରର ବ୍ୟବସାୟ କରିଛି । ଏହି ଫିଲ୍ମ ସମୁଦାୟ ଆୟ 8 ମିଲିୟନ୍ ଡଲାର୍ ହୋଇପାରେ । ଏଭଳି ସଫଳତାର ସହ ସନ୍ନି ଦେଓଲଙ୍କ ଫିଲ୍ମ 'ଗଦର-2' ଶାହାରୁଖ ଖାନଙ୍କ ବ୍ଲକବଷ୍ଟର ଚଳଚ୍ଚିତ୍ର 'ପଠାନ' ଏବଂ ରଣଭୀର ସିଂ ଏବଂ ଆଲିଆ ଭଟ୍ଟଙ୍କ 'ରକି ଔର ରାନୀ କି ପ୍ରେମ କାହାନୀ' ପରେ ଏହା ଅନ୍ତର୍ଜାତୀୟ ସ୍ତରରେ 2023ର ତୃତୀୟ ସର୍ବାଧିକ ଆୟ କରିଥିବା ହିନ୍ଦୀ ଚଳଚ୍ଚିତ୍ର ହୋଇପାରିଛି । ଏହି ଫିଲ୍ମରେ ସନ୍ନି ଦେଓଲ ଏବଂ ଅମୀଷା ପଟେଲଙ୍କ ବ୍ୟତୀତ ଗୌରବ ଚୋପ୍ରା, ଉତ୍କର୍ଷ ଶର୍ମା ଏବଂ ଲଭ୍ ସିହ୍ନା ନଜର ଆସିଛନ୍ତି ।
ଗଦର ୨: ଭାରତୀୟ ବକ୍ସ ଅଫିସ୍ କଲେକ୍ସନ