ମୁମ୍ବାଇ: ସନ୍ନି ଦେଓଲ୍ ଏବଂ ଅମିଶା ପଟେଲଙ୍କ ଅଭିନୀତ ଫିଲ୍ମ ‘ଗଦର ୨’। ଏହି ଫିଲ୍ମକୁ ନେଇ ପ୍ରଶଂସକଙ୍କ ମଧ୍ୟରେ କ୍ରେଜ୍ ବଢିବାରେ ଲାଗିଛି । ୨୨ ବର୍ଷ ପରେ ରିଲିଜ୍ ହୋଇଥିବା ଫିଲ୍ମର ସିକ୍ଵେଲ ଏହାର ସଫଳତାର ଗୋଟିଏ ପରେ ଗୋଟିଏ ପାହାଚ ଚଢି ଚାଲିଛି । ଲାଗୁଛି ଫିଲ୍ମଟି ବକ୍ସ ଅଫିସ୍ରେ ସବୁ ଫିଲ୍ମର ରେକର୍ଡ ଭାଙ୍ଗିବ । ଏମିତି କି 'ଗଦର ୨' ଦେଖିବା ପାଇଁ ଲୋକମାନେ ଟ୍ରାକ୍ଟରରେ ଆସୁଛନ୍ତି । ଏଥି ସହିତ ଫିଲ୍ମର ରୋଜଗାର ମଧ୍ୟ ଦିନକୁ ଦିନ ବୃଦ୍ଧି ପାଉଛି । ଅଗଷ୍ଟ 11ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିବା 'ଗଦର 2' ଗତ ତିନି ଦିନ ମଧ୍ୟରେ 100 କୋଟି ପାର୍ କରିଛି । ଫିଲ୍ମର ବକ୍ସ ଅଫିସ୍ କଲେକ୍ସନରେ 25 ପ୍ରତିଶତରୁ ଅଧିକ ବୃଦ୍ଧି ହୋଇଛି, ଏଥିରୁ ସ୍ପଷ୍ଟ ହୋଇଯାଇଛି ଯେ ବକ୍ସ ଅଫିସରେ ଫିଲ୍ମଟି ବହୁତ ଭଲ ପ୍ରଦର୍ଶନ କରୁଛି ।
ତାରା ସିଂ ଏବଂ ସକିନାଙ୍କ ଯୋଡି ବକ୍ସ ଅଫିସରେ ଧମାଲ ମଚାଉଛି । ଏହି ଚଳଚ୍ଚିତ୍ରଟି ଦୁଇ ଦିନରେ 83 କୋଟିରୁ ଅଧିକ ଆୟ କରିଥିବାବେଳେ ପ୍ରଥମ ରବିବାର ସନ୍ନି ଦେଓଲଙ୍କ ଫିଲ୍ମ ପାଇଁ ଏକ ସୁପର ହିଟ୍ ବୋଲି ପ୍ରମାଣିତ ହୋଇଛି । ଅର୍ଥାତ ରିଲିଜ୍ ହେବାର ତୃତୀୟ ଦିନ ଗଦର-2ରେ ବକ୍ସ ଅଫିସରେ 50 କୋଟିରୁ ଅଧିକ ରୋଜଗାର କରିଛି । ଖବର ଅନୁଯାୟୀ, ପ୍ରଥମ ରବିବାର ଫିଲ୍ମ 52ରୁ 53 କୋଟି ଟଙ୍କା ବ୍ୟବସାୟ କରିଛି । ତିନି ଦିନ ରୋଜଗାର କରିବା ପରେ, ଭାରତରେ ଗଦର -2 ର ମୋଟ ବକ୍ସ ଅଫିସ୍ କଲେକ୍ସନ 135-136 କୋଟି ଟଙ୍କାକୁ ବୃଦ୍ଧି ପାଇଛି ।
ଏହା ମଧ୍ୟ ପଢନ୍ତୁ: ୱେବ୍ ସିରିଜ୍ 'ରଣନୀତି: ବାଲାକୋଟ ଆଣ୍ଡ ବିୟଣ୍ଡ୍'ରେ ଲାରା ଦତ୍ତା, ସେୟାର କଲେ ଟିଜର