ମୁମ୍ବାଇ:ସ୍ବର୍ଗତ ସୁଶାନ୍ତ ସିଂ ରାଜପୁତଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । ପୁଣି ଥରେ ବଡ ପରଦାରେ ଦେଖିବାକୁ ମିଳିବ ସୁଶାନ୍ତ ସିଂଙ୍କ ଜଲୱା । ମେ 12ରେ ସିନେମାହଲରେ ରିଲିଜ ହେବ ସୁଶାନ୍ତଙ୍କ ଅଭିନୀତ ଫିଲ୍ମ ଏମଏସ ଧୋନୀ ଅନଟୋଲ୍ଡ ଷ୍ଟୋରୀ । ଏହି ଫିଲ୍ମଟି ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ପୁନଃରିଲିଜ କରିବ । ସେପଟେ ଫିଲ୍ମଟି ଦିଶା ପାଟାନୀଙ୍କ ଡେବ୍ୟୁ ଫିଲ୍ମ ହୋଇଥିବାରୁ ସୋସିଆଲ ମିଡିଆ ଜରିଆରେ ଧନ୍ୟବାଦ ଜଣାଇଛନ୍ତି ।
ଫିଲ୍ମ ପୁନଃରିଲିଜକୁ ନେଇ କୃତଜ୍ଞତା ଜଣାଇଲେ ଦିଶା ପାଟାନୀ ଦିଶା ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଫିଲ୍ମର ପୋଷ୍ଟର ସେୟାର କରି କ୍ୟାପସନରେ ଲେଖିଛନ୍ତି, ଫିଲ୍ମ ପୁନଃରିଲିଜ ହୋଉଥିବାରୁ ଏଥିପାଇଁ ବହୁତ ମୁଁ ବହୁତ କୃତଜ୍ଞ । ଏଥିସହ ସେ ଲାଲ ହାର୍ଟ ଇମୋଜି ମଧ୍ୟ ସେୟାର କରିଛନ୍ତି । ସେପଟେ ସ୍ୱର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ଫ୍ୟାନ୍ସ ପୁଣିଥରେ ତାଙ୍କ ଫିଲ୍ମ ବଡ ପରଦାରେ ପୁନଃରିଲିଜ ହେଉଥିବା ନେଇ ବେଶ ଖୁସି ହେବା ସହ ଫିଲ୍ମ ଦେଖିବାକୁ ଉତ୍ସାହିତ ଅଛନ୍ତି ।
ଏମଏସ ଧୋନି ଦ ଅନଟୋଲ୍ଡ ଷ୍ଟୋରୀ ଫିଲ୍ମଟି 2016 ସେପ୍ଟେମ୍ବର 30 ରେ ସିନେମାହଲରେ ରିଲିଜ ହୋଇଥିଲା । ଦିବଙ୍ଗତ ଅଭିନେତା ସୁଶାନ୍ତ ସିଂ ରାଜପୁତ ମହେନ୍ଦ୍ର ସିଂ ଧୋନିଙ୍କ ବାୟୋପିକ ଉପରେ ଆଧାରିତ ଏହି ଫିଲ୍ମରେ ଚମତ୍କାର ପ୍ରଦର୍ଶନ ସହ ଦର୍ଶକଙ୍କ ହୃଦୟ ଜିତିଥିଲେ । ଏବଂ ଫିଲ୍ମ ଜରିଆରେ ଜଣେ ମହାନ ଅଭିନେତା ସୁଶାନ୍ତ କ’ଣ ତାହା ସ୍ପଷ୍ଟ ଭାବରେ ପ୍ରମାଣ କରିଥିଲେ ।
ଧୋନିଙ୍କ ପଦଯାତ୍ରା ଠାରୁ ଆରମ୍ଭ କରି କଥାବାର୍ତ୍ତା ପର୍ଯ୍ୟନ୍ତ ସୁଶାନ୍ତ ସବୁକିଛି ଧ୍ୟାନ ଦେଇଥିଲେ ଏବଂ ଫିଲ୍ମଟି ସୁନ୍ଦର ଭାବରେ ନିର୍ମିତ ହୋଇଥିଲା । ଆଜି ବି ଫିଲ୍ମରେ ସୁଶାନ୍ତ ଅଭିନୟର ଛାପ ଲୋକଙ୍କ ମନରେ ସ୍ମୃତି ହୋଇରହିଛି। ଏହି ଫିଲ୍ମରେ ସୁଶାନ୍ତଙ୍କ ବ୍ୟତୀତ ଦିଶା ଏବଂ ସୁଶାନ୍ତଙ୍କ ବ୍ୟତୀତ କିଆରା ଆଡଭାନୀ, ଅନୁପମ ଖେର ଏବଂ ଭୂମିକା ଚାୱଲା ପ୍ରମୁଖ ଭୂମିକାରେ ଅଭିନୟ କରିଛନ୍ତି । ତେବେ ଏହି ଫିଲ୍ମଟି କେବଳ ତାଙ୍କ ପ୍ରଶଂସକ ଏବଂ ସମାଲୋଚକମାନଙ୍କ ଦ୍ୱାରା ଭଲ ପ୍ରତିକ୍ରିୟା ପାଇନଥିଲା, ବରଂ ଏହା 2016 ରେ ସର୍ବାଧିକ ଆୟ କରିଥିବା ବଲିଉଡ୍ ଫିଲ୍ମ ମଧ୍ୟରୁ ଗୋଟିଏ ଥିଲା ।
ସୂଚନା ଥାଉ କି, 2020 ମସିହା ଜୁନ୍ 14ରେ ସୁଶାନ୍ତ ସିଂଙ୍କ ଆକସ୍ମିକ ମୃତ୍ୟୁ ଖବର ସମଗ୍ର ଦେଶକୁ ଚକିତ କରିଦେଇଥିଲା । ଦିବଙ୍ଗତ ଅଭିନେତା ଆମ ଗହଣରେ ଆଉ ନାହାନ୍ତି ବୋଲି ଆଜି ବି ସହଜରେ ଗ୍ରହଣ କରିହେଉ ନାହିଁ । ସେପଟେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାକୁ ପ୍ରାୟ ତିନି ବର୍ଷ ବିତିଗଲାଣି । ବିହାର ପୋଲିସ ଠାରୁ ଇଡି ଏବଂ ସିବିଆଇ ଏବଂ ଏନସିବି ପର୍ଯ୍ୟନ୍ତ ଏହି ମାମଲାର ତଦନ୍ତ କରୁଛି । ବର୍ତ୍ତମାନ ସୁଦ୍ଧା ଏହି ମାମଲାରେ କୌଣସି ସଠିକ୍ ନିଷ୍ପତ୍ତି ହୋଇନାହିଁ ।
ସେପଟେ ଦିଶାଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଦିଶାଙ୍କୁ 'ପ୍ରୋଜେକ୍ଟ କେ'ରେ ଦେଖିବାକୁ ମିଳିବ । ତାଙ୍କୁ ସିଦ୍ଧାର୍ଥ ମଲହୋତ୍ରାଙ୍କ ବିପକ୍ଷରେ 'ଯୋଦ୍ଧା'ରେ ଏବଂ ସୁପରଷ୍ଟାର ସୂର୍ଯ୍ୟଙ୍କ ସହ ଆଗାମୀ ଦିନରେ ମଧ୍ୟ ଦେଖିବାକୁ ମିଳିବ।
