ହାଇଦ୍ରାବାଦ:ଗତ ମଙ୍ଗଳବାର ଦିନ ଅମ୍ବାନୀ ପରିବାରର ଗଣେଶ ଚତୁର୍ଥୀ ପର୍ବ ଧୁମଧାମରେ ପାଳନ କରାଯାଇଛି । ଏହି ଅବସରରେ ବି-ଟାଉନର ତମାମ ସେଲିବ୍ରଟି ଏଥିରେ ଯୋଗ ଦେଇଥିଲେ । ବଲିଉଡ ଅଭିନେତା ଠାରୁ ଆରମ୍ଭ କରି କ୍ରିକେଟ୍ ତାରକା ପର୍ଯ୍ୟନ୍ତ ଏଥିରେ ଯୋଗ ଦେଇଥିଲେ । ଯାହାର ଭିଡିଓ ଏବଂ ଫଟୋ ବେଶ ଭାଇରାଲ ହେଉଛି । ଏହି ସମୟରେ ଶାହାରୁଖ ଖାନ ନିଜ ପରିବାର ସହ ସେଠାରେ ଉପସ୍ଥିତ ହୋଇଥିଲେ । ବାପ୍ପାଙ୍କୁ ପୂଜା କରିବା ସହ ନୀତା ଅମ୍ବାନୀଙ୍କୁ ଆଲିଙ୍ଗନ କରିଛନ୍ତି ଶାହାରୁଖ । ଯାହାର ଭିଡିଓ ଭାଇରାଲ ପରେ ଫ୍ୟାନ୍ସ ପ୍ରତିକ୍ରିୟା ଦେଇଛନ୍ତି ।
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଶାହାରୁଖ ନୀତା ଅମ୍ବାନୀଙ୍କୁ ଆଲିଙ୍ଗନ କରିଥିବା ଦେଖିବାକୁ ମିଳିଛି । ଏହା ଭାଇରାଲ ପରେ ପ୍ରତିକ୍ରିୟା ଦେଇ ଜଣେ ଲେଖିଛନ୍ତି: "ଶ୍ରୀମତୀ ଅମ୍ବାନୀ ମୋର ସ୍ୱପ୍ନର ଦୁନିଆରେ ବଞ୍ଚୁଛନ୍ତି"। ଅନ୍ୟ ଜଣେ ଲେଖିଛନ୍ତି, "SRK ଏକ ଭିନ୍ନ ଜିନିଷ, ଆମେ ନୀତା ଅମ୍ବାନୀଙ୍କ ଖୁସି ଦେଖିପାରୁଛୁ । ଗଣପତି ବାପ୍ପା ମୋରିୟା । ଅନ୍ୟ ଏକ ଭିଡିଓରେ ଅଭିନେତ୍ରୀ ଦୀପିକା ପାଦୁକୋନ୍ ଶାହାରୁଖଙ୍କ ସାନପୁଅ ଅବରାମଙ୍କ କେଶ ସହ ଖେଳୁଥିବା ଦେଖିବାକୁ ମିଳିଥିଲା । ସେପଟେ ଶାହାରୁଖ ନିଜ ଏକ୍ସ ହ୍ୟାଣ୍ଡେଲରେ ଗଣପତିଙ୍କ ଫଟୋ ସେୟାର କରି ଫ୍ୟାନ୍ସଙ୍କୁ ଶୁଭେଚ୍ଛା ଜଣାଇଛନ୍ତି ।