ମୁମ୍ବାଇ:କମୁନି ଲୋକପ୍ରିୟ ଗାୟିକା ଫାଲଗୁନି ପାଠକ ଏବଂ ନେହା କକ୍କରଙ୍କ ବିବାଦ । ପୁଣି ନେହାଙ୍କ ଉପରେ ବର୍ଷିଲେ ଫାଲଗୁନି ପାଠକ୍ । କିଛି ଦିନ ତଳେ ରିଲିଜ୍ ହୋଇଥିଲା ଫାଲଗୁନି ପାଠକଙ୍କ ଲୋକପ୍ରିୟ ଗୀତ ‘ମେନେ ପାୟଲ ହେ ଛନକାଇ’ର ରିମିକ୍ସ । ଏହି ଗୀତଟି କଣ୍ଠଶିଳ୍ପୀ ନେହା କକ୍କର ଗାଇଥିବା ବେଳେ ଏଥିରେ ଅଭିନେତା ପ୍ରିୟଙ୍କା ଶର୍ମା ଏବଂ କୋରିଓଗ୍ରାଫର ଧନଶ୍ରୀ ବର୍ମା ଅଭିନୟ କରିଛନ୍ତି । ତେବେ ୯୦ ଦଶକର ଗୀତର ଲୋକପ୍ରିୟତା ଏତେ ଥିଲା ଯେ, ଏବେ ବି ଏହାର ପ୍ରଭାବ ଲୋକଙ୍କ ଉପରେ ରହିଛି । ଗୀତକୁ ନେଇ କେବଳ ଶ୍ରୋତା ନୁହେଁ, ଏବେ ବି ଥମିନାହିଁ ଫାଲଗୁନି ପାଠକ ରାଗ । ସବୁବେଳେ ଶାନ୍ତ ରହୁଥିବା ଫାଲଗୁନି ପାଠକ୍ ପୁଣି ଥରେ ଗାୟିକା ନେହା କକ୍କରଙ୍କ ଉପରେ ବର୍ଷିଛନ୍ତି । କହିବାକୁ ଗଲେ ଦୁଇ ଗାୟିକାଙ୍କ ମଧ୍ୟରେ ଶୀତଳ ଯୁଦ୍ଧ ଏବେ ବି ଜାରି ରହିଛି ।
ଏକ ସାକ୍ଷାତକାର ଜରିଆରେ ଫାଲଗୁନି ପାଠକ୍ ନେହା କକ୍କରଙ୍କୁ ପୁଣି ଅପମାନିତ କରିଛନ୍ତି । ଫାଲଗୁନି କହିଛନ୍ତି ଯେ, ଆଡପ୍ଟ କରନ୍ତୁ କିନ୍ତୁ ଏହାକୁ ଭଲ ଉପାୟରେ କରନ୍ତୁ । ଆଜିକାଲି ରିମିକ୍ସ ପ୍ରସ୍ତୁତ କରାଯାଉଛି ଏବଂ ଆହୁରି ଭଲ ମଧ୍ୟ ପ୍ରସ୍ତୁତ କରାଯାଉଛି ଯାହାକୁ ଆମେ ମଞ୍ଚରେ ଗାଇଥାଉ । କିନ୍ତୁ ଏହାକୁ ଭଲ ଭାବରେ ବ୍ୟବହାର କରନ୍ତୁ । ତୁମେ ଏହାକୁ ଖରାପ କାହିଁକି କରି ଦେଉଛ ? ଫାଲଗୁନି ପାଠକଙ୍କ ଏହି ବୟାନରୁ ତାଙ୍କର ଅସନ୍ତୋଷ ସ୍ପଷ୍ଟ ହୋଇଛି । ତେବେ ଗାୟିକା ସ୍ପଷ୍ଟ କରିଛନ୍ତି ଯେ, ତାଙ୍କୁ ଗୀତର ରିମିକ୍ସ ଭର୍ସନକୁ ନେଇ କୌଣସି ଅସୁବିଧା ନାହିଁ । କିନ୍ତୁ ଯେଉଁଭଳି ଏହା ତିଆରି ହୋଇଛି ତାହା ଫାଲଗୁନି ପାଠକଙ୍କୁ ପସନ୍ଦ ନାହିଁ ।