ହାଇଦ୍ରାବାଦ:ଶାହାରୁଖ ଖାନ ଏବଂ ରାଜକୁମାରୀ ହିରାନୀଙ୍କ 'ଡଙ୍କି' ଶେଷରେ ଡିସେମ୍ବର ୨୧ ଗୁରୁବାର ଦିନ ସାରା ବିଶ୍ୱରେ ମୁକ୍ତିଲାଭ କରିଛି । କିଙ୍ଗ୍ ଖାନ୍ଙ୍କ ନୂଆ ଚଳଚ୍ଚିତ୍ରକୁ ନେଇ ଦେଶ ତଥା ବିଦେଶ ଫ୍ୟାନ୍ସ ମଧ୍ୟରେ ଭିନ୍ନ କ୍ରେଜ୍ ରହିଛି । ଭୋର ସକାଳ ୫ଟା ୫୫ରେ ଶୋ' ଆରମ୍ଭ ହୋଇଥିବା ବେଳେ ଫିଲ୍ମର 'ପ୍ରଥମ ଦିନ ପ୍ରଥମ ଶୋ'' ଦେଖିବା ପାଇଁ ଥିଏଟରରେ ଭିଡ଼ ଜମାଇଥିଲେ ଫ୍ୟାନ୍ସ । ତେବେ ବର୍ତ୍ତମାନ ସୋସିଆଲ ମିଡିଆରେ ଫ୍ୟାନ୍ସ ଫିଲ୍ମକୁ ନେଇ ରିଭ୍ୟୁ ସେୟାର କରିଛନ୍ତି । ଶାହରୁଖ ଖାନ ଏବଂ ରାଜକୁମାର ହିରାନୀଙ୍କ 'ଡଙ୍କି' ସହ ଏକ ଦେଶପ୍ରେମୀ ଚଳଚ୍ଚିତ୍ର ଦେଇଥିବାରୁ ଏହାର ପ୍ରଶଂସା କରିବା ସହ 'ମାଷ୍ଟରପିସ୍' ଫିଲ୍ମ ବୋଲି କହିଛନ୍ତି ।
ନ୍ୟୁଜିଲ୍ୟାଣ୍ଡର ଜଣେ ଫ୍ୟାନ୍ସ ଏକ୍ସରେ ନିଜ ରିଭ୍ୟୁ ସେୟାର କରି ଲେଖିଛନ୍ତି, 'ଡଙ୍କି ହେଉଛି ଏକ ଭାବପ୍ରବଣ ରୋଲର୍ କୋଷ୍ଟର୍ । ତୁମେ ଏକା ସମୟରେ ହସିବ ଏବଂ କାନ୍ଦିବ । 'ହାର୍ଡି ନମୁନା ନୁହଁନ୍ତି' - ସେ ହେଉଛନ୍ତି କିଙ୍ଗ ଖାନ୍ । ଘର କଥା ମନେ ପକାଇଦେଉଛି ଫିଲ୍ମ ।' ଏହା ପରେ ସେ ଆଉ ଏକ କ୍ଲିପ୍ ସେୟାର କରିଥିଲେ ଯେଉଁଥିରେ ସେ ବଡ଼ ପରଦାରେ ପୁରୁଣା ଶାହାରୁଖ ଖାନଙ୍କ ଝଲକ ଫେରାଇ ଆଣିଥିବାରୁ ଫିଲ୍ମ ନିର୍ଦ୍ଦେଶକ ରାଜକୁମାର ହିରାନୀଙ୍କୁ ଧନ୍ୟବାଦ ଦେଇଛନ୍ତି । ଏଥିସହ ସେ ଫିଲ୍ମ ଦେଖିବା ପାଇଁ ସେ ସମସ୍ତଙ୍କୁ ଅନୁରୋଧ କରିଛନ୍ତି । ସେ ଲେଖିଛନ୍ତି, ଶାହାରୁଖ ଖାନ୍ଙ୍କ ଏହି ଫିଲ୍ମ ଶ୍ରେଷ୍ଠ ଫିଲ୍ମ । ଘରର ଭାବନା ସହ 'ଡଙ୍କି' ସର୍ବଦା ଦେଶପ୍ରେମ ଭାବରେ ସମସ୍ତଙ୍କ ହୃଦୟରେ ରହିବ ।'