ହାଇଦ୍ରାବାଦ: ଚଳିତ ବର୍ଷ ଶେଷରେ ଫିଲ୍ମ 'ଡଙ୍କି' ରିଲିଜ୍ ସହ ଶାହାରୁଖ ଖାନ ବକ୍ସ ଅଫିସରେ ହ୍ୟାଟ୍ରିକ୍ ସ୍କୋର କରିବାକୁ ଯାଉଛନ୍ତି । କିଙ୍ଗ ଖାନଙ୍କ ଏହି ବହୁ ପ୍ରତୀକ୍ଷିତ ଚଳଚ୍ଚିତ୍ରର ଆଡଭାନ୍ସ ବୁକିଂ ଦେଶ ତଥା ବିଶ୍ବରେ ଆରମ୍ଭ ହୋଇଛି ଏବଂ ଫିଲ୍ମ ରିଲିଜ୍ ପୂର୍ବରୁ କୋଟି କୋଟି ଟଙ୍କା ରୋଜଗାର କରିସାରଲାଣି । ଏସବୁ ମଧ୍ୟରେ ଶାହାରୁଖ ଖାନ ତାଙ୍କ ଦୁବାଇରେ ଫିଲ୍ମର ଜୋରଦାର ପ୍ରମୋସନ କରିଛନ୍ତି । ଯାହାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେଉଛି । ଏହି ସମୟରେ ସେ ଏହି ଫିଲ୍ମ କେତେ ଖାସ ତାଙ୍କ ପାଇଁ ଏବଂ ଏହାର କାହାଣୀ କଣ ସେନେଇ ଖୁଲାସା କରିଛନ୍ତି । ସେ କହିଛନ୍ତି, ମୁଁ 'ଡଙ୍କି' ସହ ଏହି ବର୍ଷ ଶେଷ କରିବାକୁ ଚାହୁଁଛି ।
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଶାହାରୁଖ ଖାନ କାର୍ଗୋ ଜ୍ୟାକେଟ ଏବଂ ବ୍ଲାକ ଟି-ସାର୍ଟରେ ନଜର ଆସିଥିଲେ । ମଞ୍ଚରେ ପହଞ୍ଚିବା ମାତ୍ରେ ସେ ଡଙ୍କିର ଗୀତ 'ହେ ମାହି'ରେ ଏବଂ ତାଙ୍କ ହିଟ୍ ଫିଲ୍ମ' ପଠାନ୍'ର 'ଝୁମେ ଜୋ ପଠାନ୍' ଓ 'ଛେୟାଁ ଛେୟାଁ' ଗୀତରେ ମଧ୍ୟ ଜବରଦସ୍ତ ପ୍ରଦର୍ଶନ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ । ଏହି ସମୟରେ ସେ ନିଜ ସିଗ୍ନେଚର ପୋଜ ସହ ଦର୍ଶକଙ୍କ ମନ ଜିତିଥିଲେ । ଏହା ପରେ ଦର୍ଶକଙ୍କ ସହ କଥାବାର୍ତ୍ତା କରୁଥିବାବେଳେ କିଙ୍ଗ ଖାନ ତାଙ୍କ ଫିଲ୍ମ 'ଡଙ୍କି'ର କାହାଣୀ ମଧ୍ୟ ପ୍ରକାଶ କରିଥିଲେ ଏବଂ କହିଥିଲେ, ଘର ଯେଉଁଠି ମନ ବି ସେଇଠି ।
ସେ କହିଛନ୍ତି, "ମୁଁ ଜାଣେ ଆପଣମାନଙ୍କ ମଧ୍ୟରୁ ଅନେକ ନିଜ ଘର ଛାଡି ଦୁବାଇକୁ ଆପଣଙ୍କର ଦ୍ୱିତୀୟ ଘର କରିଛନ୍ତି । ଭାରତ, ବାଂଲାଦେଶ, ଅନ୍ୟ ଉପମହାଦେଶରୁ ଆପଣମାନଙ୍କ ମଧ୍ୟରୁ ଅନେକ ପାକିସ୍ତାନ ଏବଂ ଶ୍ରୀଲଙ୍କାରୁ ବି ଏଠାକୁ ଆସିଛନ୍ତି । ବର୍ତ୍ତମାନ ଆପଣ ସମସ୍ତେ ବହୁତ ଦୂରରେ ଅଛନ୍ତି । ଏବଂ ଆପଣ ଏକ ନୂଆ ଘର ନେଇଛନ୍ତି । ତଥାପି ସମସ୍ତଙ୍କୁ ନିଜ ଘର ପ୍ରତି ଭଲପାଇବା ଏବଂ ଘରକୁ ଯିବାକୁ ଲାଳସା ରହିଥାଏ । ଏହି ପୁରା ଫିଲ୍ମ ଘର ଉପରେ ଥିବା ଆସକ୍ତି ଭାବ ଉପରେ ଆଧାରିତ କାହାଣୀ ।