ହାଇଦ୍ରାବାଦ: ପ୍ରେକ୍ଷାଳୟରେ ଦର୍ଶକଙ୍କୁ ଆକର୍ଷିତ କରିବା ପାଇଁ ବଲିଉଡ ଏବେ ଭିନ୍ନ ଭିନ୍ନ ପଦକ୍ଷେପ ଆପଣାଉଛି । କେତେବେଳେ ଏକ ନିର୍ଦ୍ଦିଷ୍ଟ ଦିନରେ ରିହାତି ଦିଆଯାଉଛି ତ ପୁଣି କେତେବେଳେ ଟିକେଟ୍ 75 ଟଙ୍କାରେ ଉପଲବ୍ଧ ହେଉଛି । ବର୍ତ୍ତମାନ ଅଜୟ ଦେବଗନ୍ ତାଙ୍କ ଫିଲ୍ମ ଦୃଶ୍ୟମ୍ ୨ ନେଇ ଆସୁଛନ୍ତି । ଦୀପାବଳି ଅବସରରେ ଫିଲ୍ମର ନିର୍ମାତା ଦୃଶ୍ୟମ୍ ୨କୁ ନେଇ ଏକ ଖୁସି ଖବର ସେୟାର କରିଛନ୍ତି । ଦୃଶ୍ୟମ୍ ୨ ଚଳଚ୍ଚିତ୍ରରେ ଅଜୟ ଦେବଗନ୍ ସମେତ ତବୁ, ଶ୍ରୀୟା ସରଣ ଏବଂ ଇଶିତା ଦତ୍ତା ପ୍ରମୁଖ ଭୂମିକାରେ ନଜର ଆସିବେ ।
କିଛି ଦିନ ପୂର୍ବରୁ ନିର୍ମାତାମାନେ ଦୃଶ୍ୟମ୍ ୨ର ଟ୍ରେଲର ରିଲିଜ୍ କରିଥିଲେ । ଏହାର ଟ୍ରେଲରକୁ ଦର୍ଶକମାନେ ବହୁତ ପସନ୍ଦ କରିଛନ୍ତି । ଏବେ ଫିଲ୍ମ ବିଷୟରେ ଆଉ ଏକ ଖୁସି ଖବର ଆସୁଛି । କିଛି ଦିନ ପୂର୍ବରୁ ନିର୍ମାତାମାନେ କହିଥିଲେ ଯେ, ଅକ୍ଟୋବର 2ରେ ଫିଲ୍ମ ପାଇଁ ଟିକେଟ ବୁକିଂ କଲେ 50 ପ୍ରତିଶତ ରିହାତି ମିଳିବ । ବର୍ତ୍ତମାନ ନିର୍ମାତାମାନେ ଦର୍ଶକଙ୍କ ପାଇଁ ଆଉ ଏକ ଖୁସି ଖବର ସେୟାର କରିଛନ୍ତି ।