ମୁମ୍ବାଇ: ବଲିଉଡ ଅଭିନେତା ଧର୍ମେନ୍ଦ୍ରଙ୍କୁ ଚାରି ଦିନ ପୂର୍ବରୁ ମୁମ୍ବାଇର ବ୍ରିଜ କ୍ୟାଣ୍ଡି ହସ୍ପିଟାଲର ଆଇସିୟୁରେ ଭର୍ତ୍ତି କରାଯାଇଥିଲା । ତାଙ୍କ ସ୍ୱାସ୍ଥ୍ୟ ସମ୍ବନ୍ଧରେ ଏକ ନୂଆ ଅପଡେଟ ସାମ୍ନାକୁ ଆସିଛି, ଯେଉଁଥିରେ କୁହାଯାଇଛି ଯେ ଧର୍ମେନ୍ଦ୍ରଙ୍କ ସ୍ୱାସ୍ଥ୍ୟ ପୂର୍ବ ଅପେକ୍ଷା ଭଲ ଅଛି ଏବଂ ସେ ଘରକୁ ଫେରି ଆସିଛନ୍ତି । ତେବେ ଆଜି ହେଉଛି ଧର୍ମେନ୍ଦ୍ର ଏବଂ ହେମା ମାଳିନୀଙ୍କ 42 ତମ ବିବାହ ବାର୍ଷିକୀ । ଏହି ବିଶେଷ ଉତ୍ସବରେ ଡ୍ରିମ୍ ଗାର୍ଲ ହେମା ମାଳିନୀ ଏକ ସୁନ୍ଦର ନୋଟ୍ ସେୟାର କରିଛନ୍ତି ।
ବିବାହ ବାର୍ଷିକୀରେ ହେମାଙ୍କ ପୋଷ୍ଟ
1980ରେ ହେମା ମାଳିନୀ ଏବଂ ଧର୍ମେନ୍ଦ୍ର ବିବାହ କରିଥିଲେ ଏବଂ ଆଜି ଏହି ଦମ୍ପତିଙ୍କ ବିବାହକୁ 42 ବର୍ଷ ପୂରଣ ହୋଇଛି । ଏହି ବିଶେଷ ଅବସରରେ ଅଭିନେତ୍ରୀ ହେମା ମାଳିନୀ ଉଭୟଙ୍କର ଏକ ଫଟୋ ସେୟାର କରି ଏକ ସୁନ୍ଦର ନୋଟ୍ ଲେଖିଛନ୍ତି, "ଆଜି ଆମର ବିବାହ ବାର୍ଷିକୀ, ଆଜି ମୁଁ ଭଗବାନଙ୍କୁ ଏହି ସମସ୍ତ ଖୁସି ପାଇଁ ଧନ୍ୟବାଦ ଦେଉଛି । ଏହା ସହିତ ଆମର ପ୍ରିୟ ସନ୍ତାନ ଏବଂ ନାତି ନାତୁଣୀ, ଆମର ଶୁଭେଚ୍ଛୁଙ୍କୁ ଏଥିପାଇଁ ଧନ୍ୟବାଦ ଦେଉଛି । ମୁଁ ଆଶୀର୍ବାଦ ଅନୁଭବ କରୁଛି। " ହେମାଙ୍କ ଏହି ପୋଷ୍ଟରେ ପ୍ରଶଂସକମାନେ ତାଙ୍କୁ ମନ୍ତବ୍ୟ ଦେଇ ଅଭିନନ୍ଦନ ଜଣାଇଛନ୍ତି । ଧର୍ମେନ୍ଦ୍ରଙ୍କୁ ତାଙ୍କର ସମ୍ପୂର୍ଣ୍ଣ ଆରୋଗ୍ୟ ପାଇଁ ଶୁଭକାମନା ଜଣାଉଛନ୍ତି ।