ହାଇଦ୍ରାବାଦ:ଅଭିନେତ୍ରୀ ଦୀପିକା ପାଦୁକୋନ ଏବଂ ଅଭିନେତା ରଣଭୀର ସିଂ ବଲିଉଡର ଲୋକପ୍ରିୟ ଦମ୍ପତିଙ୍କ ମଧ୍ୟରେ ଅନ୍ୟତମ । ଏହି ଯୋଡିକୁ ଫ୍ୟାନ ବେଶ ପସନ୍ଦ କରିଛନ୍ତି । ଏହି ଦମ୍ପତି ୨୦୧୮ରେ ବିବାହ କରିଥିଲେ । ତେବେ ଉଭୟଙ୍କ ବିବାହକୁ ବର୍ତ୍ତମାନ ୫ ବର୍ଷରୁ ଅଧିକ ସମୟ ହୋଇଛି । ଫ୍ୟାନ୍ସ ଏହି ଦମ୍ପତିଙ୍କ ଠାରୁ ଖୁସି ଖବର ଶୁଣିବା ପାଇଁ ଫ୍ୟାନ୍ସ ଅପେକ୍ଷା କରି ରହିଛନ୍ତି । ଏହାରି ମଧ୍ୟରେ ବର୍ତ୍ତମାନ ଦୀପିକା ନିଜ ଫ୍ୟାମିଲି ଫ୍ଲାନ ନେଇ ପ୍ରତିକ୍ରିୟା ଦେଇଛନ୍ତି ।
ନିକଟରେ ଏକ ସାକ୍ଷାତକାରରେ ଦୀପିକା ପାଦୁକୋନ ବେବି ପ୍ଲାନ ବିଷୟରେ ଖୋଲାକୋଲି ଆଲୋଚନା କରିଛନ୍ତି । ଅଭିନେତ୍ରୀଙ୍କୁ ଯେତେବେଳେ ମା' ହେବା ବିଷୟରେ ପଚରାଗଲା । ସେହି ସମୟରେ ଅଭିନେତ୍ରୀ କହିଛନ୍ତି ଯେ, 'ମୁଁ ମା' ହେବାକୁ ଚାହୁଁଛି । ରଣବୀର ଏବଂ ମୋତେ ପିଲା ବହୁତ ପସନ୍ଦ । ଆମେ ସେହି ଦିନକୁ ଅପେକ୍ଷା କରିଛୁ ଯେଉଁଦିନ ଆମେ ଆମ ପରିବାର ଆରମ୍ଭ କରିବୁ । '
ଏଥିସହ ଦୀପିକା ନିଜ ପରିବାର ଏବଂ ସଂସ୍କାର ବିଷୟରେ କଥାବାର୍ତ୍ତା କରି କହିଛନ୍ତି ଯେ, ଯେତେବେଳେ ମୁଁ ସେହି ଲୋକଙ୍କ ସହ ମିଶୁଛି । ଯାହା ସହ ମୁଁ ବଡ ହୋଇଛି, ସେମାନେ ମୋତେ ସବୁବେଳେ କୁହନ୍ତି, ତୁମ ଭିତରେ ଟିକେ ମଧ୍ୟ ପରିବର୍ତ୍ତନ ହୋଇନି । ଏହା ଆମ ସଂସ୍କାର ବିଷୟରେ ବହୁତ କିଛି କହିଥାଏ । ରଣବୀର ଏବଂ ମୋତେ ବିଶ୍ବାସ ଅଛି, ଆମେ ଆପଣ ପିଲାଙ୍କୁ ବି ସେହି ସଂସ୍କାର ଦେବୁ । ଦୀପିକା ପାଦୁକୋନ ଆହୁରି ମଧ୍ୟ କହିଛନ୍ତି, "ଏହି ଇଣ୍ଡଷ୍ଟ୍ରିରେ ଖ୍ୟାତି ଏବଂ ଅର୍ଥ ଦ୍ବାରା ପ୍ରଭାବିତ ହେବା ହଜ ଅଟେ । କିନ୍ତୁ ଘରେ କେହି ମୋତେ ସେଲିବ୍ରିଟି ଭଳି ବ୍ୟବହାର କରନ୍ତି ନାହିଁ । ମୁଁ ପ୍ରଥମେ ଗୋଟିଏ ଭଉଣୀ ଏବଂ ଝିଅ ଅଟେ । ମୁଁ ଚାହୁଁନାହିଁ ଯେ ଏଥିରେ କିଛି ପରିବର୍ତ୍ତନ ହେଉ । ମୁଁ ଆଶା କରୁଛି ଯେ, ଆମେ ମଧ୍ୟ ଆମ ପିଲାଙ୍କୁ ସମାନ ଭାଲ୍ୟୁ ଦେବୁ ।"
ଏହା ମଧ୍ୟ ପଢନ୍ତୁ:ଦୀପିକାଙ୍କ ପୂର୍ବରୁ ଅନୁଷ୍କାଙ୍କ ପାଇଁ ରଣଭୀର କହିଥିଲେ ସମାନ କଥା, କମେଣ୍ଟ ବର୍ଷା କଲେ ୟୁଜର୍ସ
ଦୀପିକାଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଦୀପିକା ଖୁବଶୀଘ୍ର 'ଫାଇଟର' ସହ ପରଦାରେ ଧମାକ କରିବାକୁ ପ୍ରସ୍ତୁତ । ସିଦ୍ଧାର୍ଥ ଆନନ୍ଦଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମ ଚଳିତ ମାସ(ଜାନୁଆରୀ) ୨୫ ରେ ରିଲିଜ ହେବ । ଏହି ଫିଲ୍ମରେ ଦୀପିକା ପାଦୁକୋନଙ୍କ ବ୍ୟତୀତ ହ୍ରିତିକ ରୋଶନ, ସୁନୀଲ ଗ୍ରୋଭର ଏବଂ ଅନୀଲ କପୁର, ଅକ୍ଷୟ ଅବରୋଏ ନଜର ଆସିବେ । ତେବେ ଦୀପିକା, ଅନୀଲଙ୍କ ସହ ପ୍ରଥମ ଥର ପାଇଁ ସ୍କ୍ରିନ ସେୟାର କରିବେ ହ୍ରିତିକ ।
