ହାଇଦ୍ରାବାଦ: ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନ କୋରୋନା ସଂକ୍ରମିତ ହୋଇଛନ୍ତି। ଏନେଇ ଅଭିନେତା ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଏହି ସୂଚନା ଦେଇଥିଲେ। ଜୁନ୍ 4 ତାରିଖରେ ଅଭିନେତାଙ୍କର କୋରୋନା ରିପୋର୍ଟ ପଜିଟିଭ୍ ଆସିଥିଲା, ଯାହା ପରେ ଅଭିନେତା ହୋମ୍ କ୍ବାରେଣ୍ଟାଇନ୍ରେ ଅଛନ୍ତି । ବର୍ତ୍ତମାନ ଅଭିନେତା ଏକ ଫଟୋ ସେୟାର କରି ନିଜର ଝଲକ ଦେଖାଇଛନ୍ତି। କାର୍ତ୍ତିକ ଆର୍ଯ୍ୟନ୍ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଆଉ ଏକ ଫଟୋ ସେୟାର କରିଛନ୍ତି । ଏହି ଫଟୋ ସହିତ କାର୍ତ୍ତିକ ଲେଖିଛନ୍ତି, ରୁହ ବାବାଙ୍କ ତରଫରୁ ଗୁଡ୍ ନାଇଟ୍, ସାଙ୍ଗମାନେ ମାସ୍କ ପିନ୍ଧିବା ଜରୁରୀ ।
ସୂଚନାଯୋଗ୍ୟ ଯେ, 2021 ମସିହା ମାର୍ଚ୍ଚ 22ରେ ଅଭିନେତା କୋରୋନା ସଂକ୍ରମିତ ହୋଇଥିଲେ। ଏହି ସୂଚନା ଅଭିନେତା ସୋସିଆଲ ମିଡିଆ ପୋଷ୍ଟ ମାଧ୍ୟମରେ ମଧ୍ୟ ଦେଇଥିଲେ। ନିକଟରେ କାର୍ତ୍ତିକ ଆର୍ଯ୍ୟନ୍ଙ୍କ ଫିଲ୍ମ ‘ଭୁଲ ଭୁଲେୟାଁ-୨’ ରିଲିଜ ହୋଇସାରିଛି। ଏହି ଫିଲ୍ମଟି ବକ୍ସ ଅଫିସରେ ହିଟ୍ ମଧ୍ୟ ହୋଇଛି। ରିଲିଜ ହେବାର ଦୁଇ ସପ୍ତାହ ମଧ୍ୟରେ ଫିଲ୍ମରେ ୧୦୦ କୋଟି କ୍ଲବରେ ଏଣ୍ଟ୍ରି କରିସାରିଛି । ଏହି ଫିଲ୍ମରେ କାର୍ତ୍ତିକଙ୍କ ସହ କିଆରା ଆଡଭାନୀ ଓ ତବୁ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିଛନ୍ତି।