ହାଇଦ୍ରାବାଦ: ଟଲିଉଡର ସୁପରଷ୍ଟାର ଚିରଞ୍ଜୀବୀ (Chiranjeevi) ଏବଂ ବଲିଉଡ ସୁପରଷ୍ଟାର ସଲମାନ ଖାନ (Salman Khan) ଙ୍କ ଆଗାମୀ ଫିଲ୍ମ 'ଗଡ ଫାଦର' (GodFather) ର ଟିଜର ମୁକ୍ତିଲାଭ କରିଛି। ଚିରଞ୍ଜୀବୀଙ୍କ 67 ତମ ଜନ୍ମଦିନ ଅବସରରେ ଏହି ଟିଜର ମୁକ୍ତିଲାଭ କରିଛି। ସଲମାନ ଏବଂ ଚିରଞ୍ଜୀବୀ ଟିଜରରେ ଜବରଦସ୍ତ ଆକ୍ସନ କରୁଥିବା ନଜର ଆସିଛନ୍ତି। ଏହି ଚଳଚ୍ଚିତ୍ରରେ ଚିରଞ୍ଜୀବୀ ଏବଂ ସଲମାନଙ୍କ ବ୍ୟତୀତ ଦକ୍ଷିଣର ସୁପରହିଟ୍ ଅଭିନେତ୍ରୀ ନୟନତାରା ମଧ୍ୟ ମୁଖ୍ୟ ଭୂମିକାରେ ନଜର ଆସିବେ। ଟିଜରରେ ଅଭିନେତ୍ରୀଙ୍କ ଏକ ଶାନଦାର ଝଲକ ଦେଖିବାକୁ ମିଳୁଛି ।
ଫିଲ୍ମ 'ଗଡଫାଦର'ର ଟିଜର ଜବରଦସ୍ତ ଆକ୍ସନ୍ରେ ପରିପୂର୍ଣ୍ଣ । ଟିଜରରୁ ଏହା ସ୍ପଷ୍ଟ ହୋଇଛି ଯେ, ସଲମାନ ଖାନ ଫିଲ୍ମରେ ଚିରଞ୍ଜୀବୀଙ୍କୁ ସମର୍ଥନ କରୁଥିବାବେଳେ ତାଙ୍କୁ ଅସୁବିଧାରୁ ରକ୍ଷା କରୁଥିବା ଦେଖିବାକୁ ମିଳିବ। ଟିଜରରେ ନୟନତାରାଙ୍କ ଚରିତ୍ର ଦୃଶ୍ୟମାନ ହେଉଛି । ସେ ଟିଜରରେ କହୁଛନ୍ତି, 'ଯିଏ ବି ଆସନ୍ତୁ ନା କାହିଁକି, ସେଥିରେ କିଛି ଫରକ ପଡ଼ିବ ନାହିଁ, କିନ୍ତୁ ସେ ଆସିବା ଉଚିତ୍ ନୁହେଁ ।'