ମୁମ୍ବାଇ:ବଲିଉଡ ଅଭିନେତା ବବି ଦେଓଲଙ୍କ ୱେବ୍ ସିରିଜ୍ 'ଆଶ୍ରମ' OTT ପ୍ଲାଟଫର୍ମରେ ଧମାଲ ମଚାଇଥିଲା । 'ଆଶ୍ରମ'ର ସିଜନ୍ 2 ଦର୍ଶକଙ୍କୁ ବହୁତ ମନୋରଞ୍ଜନ କରିଛି ଏବଂ ବର୍ତ୍ତମାନ ପ୍ରଶଂସକମାନେ ଉତ୍ସାହର ସହିତ 'ଆଶ୍ରମ ସିଜନ୍ 3' କୁ ଅପେକ୍ଷା କରିଛନ୍ତି । ବର୍ତ୍ତମାନ ୱେବ୍ ସିରିଜ୍ ରିଲିଜରେ କିଛି ସମୟ ବାକି ଅଛି , କିନ୍ତୁ ତାପୂର୍ବରୁ ‘ଆଶ୍ରମ -୩’ର ଟ୍ରେଲର୍ ରିଲିଜ୍ ହୋଇଛି । ଟ୍ରେଲରରେ ଏହା ଦେଖାଯାଉଛି ଯେ ବାବା ନିରଲାଙ୍କ ଦ୍ବାର ଖୋଲିଛି ଏବଂ ଆସ୍ଥା ନାମରେ ପୁଣି ଥରେ ସେ କପଟୀ ପୋଷାକ ପିନ୍ଧିଥିବାର ନଜର ଆସିବେ ।
ସେୟାର କରାଯାଇଥିବା ଏହି ୧ ମିନିଟ୍ ୧୧ ସେକେଣ୍ଡର ଭିଡିଓରେ ପୁଣି ଥରେ କାଶୀପୁରର ବାବାଙ୍କ ରାଜ୍ୟ ଫେରି ଆସିଛି। ‘ଆଶ୍ରମ ୩’ର ଟ୍ରେଲର୍ ସହିତ ପୁଣି ଥରେ ଜପନାମର ଗୁଞ୍ଜର ମଧ୍ୟ ଶୁଣିବାକୁ ମିଳିଛି। ଟ୍ରେଲରକୁ ଦେଖି ଏହି ସିରିଜକୁ ଅପେକ୍ଷା କରିଥିବା ଦର୍ଶକଙ୍କ ଆଗ୍ରହ ଆହୁରି ବଢିଚାଲିଛି। ଟ୍ରେଲରରେ ଇଶା ଗୁପ୍ତାଙ୍କୁ ମଧ୍ୟ ଦେଖିବାକୁ ମିଳୁଛି। ଯିଏକି ବବି ଦେଓଲଙ୍କୁ ତାଙ୍କ ସୌନ୍ଦର୍ଯ୍ୟରେ ମତୁଆଲା କରୁଛନ୍ତି । ପ୍ରକାଶ ଝା’ଙ୍କ ଦ୍ୱାରା ନିର୍ମିତ ଏବଂ ନିର୍ଦ୍ଦେଶିତ, ଏହି ସିରିଜ୍ OTT ପ୍ଲାଟ୍ଫର୍ମ MX ପ୍ଲେୟାରରେ ସମ୍ପୂର୍ଣ୍ଣ ମାଗଣାରେ ଦେଖାଯାଇପାରିବ। ଟ୍ରେଲର୍ ରିଲିଜ୍କୁ ନେଇ ସୂଚନା ଦେଇ ଅଭିନେତା ବବି ଦେଓଲ୍ ମଧ୍ୟ ଏହି ପୋଷ୍ଟ୍କୁ ଇନ୍ଷ୍ଟାଗ୍ରାମ୍ରେ ଶେୟାର କରିଛନ୍ତି ।