ମୁମ୍ବାଇ: ବିଗ୍ ବସ୍ -16 ଏବଂ ଖତରୋଁ କେ ଖିଲାଡି-13 ଫେମ୍ ଅର୍ଚ୍ଚନା ଗୌତମ ରକ୍ଷା ବନ୍ଧନ ପର୍ବ ବଲିଉଡର ପ୍ରସିଦ୍ଧ ନିର୍ଦ୍ଦେଶକ ସାଜିଦ୍ ଖାନଙ୍କ ସହ ପାଳନ କରିଛନ୍ତି । ସାଜିଦ ଖାନଙ୍କୁ ବିଗ୍ ବସ୍ -16 ରେ ମଧ୍ୟ ଦେଖିବାକୁ ମିଳିଥିଲା । ସେଠାରେ ଦୁହେଁ ପ୍ରଥମ ଥର ପାଇଁ ସାକ୍ଷାତ ହୋଇଥିଲେ ଏବଂ ବର୍ତ୍ତମାନ ଏହି ସମ୍ପର୍କ ଭାଇ-ଭଉଣୀ ସମ୍ପର୍କରେ ପରିଣତ ହୋଇଛି ।
ସାଜିଦଙ୍କୁ ରାକ୍ଷୀ ବାନ୍ଧିଲେ ଅର୍ଚ୍ଚନା
ବିଗ୍ ବ୍ସ୍ 16ରେ ଅର୍ଚ୍ଚନା ପ୍ରତିଶୃତି ଦେଇଥିଲେ ଯେ ସେ ସାଜିଦଙ୍କୁ ରାକ୍ଷୀ ବାନ୍ଧିବେ ଏବଂ ଆଜି ସେ ତାଙ୍କ ପ୍ରତିଶ୍ରୁତି ପୂରଣ କରିଛନ୍ତି । ଅର୍ଚ୍ଚନା ଏହି ବିଶେଷ ମୁହୂର୍ତ୍ତର ଭିଡିଓ ନିଜ ଇନଷ୍ଟାଗ୍ରାମ କାହାଣୀରେ ସେୟାର କରିଛନ୍ତି । ଅର୍ଚ୍ଚନା ବ୍ୟତୀତ ଫରାହ ଖାନ ମଧ୍ୟ ଏହି ଭିଡିଓ ଇନଷ୍ଟାଗ୍ରାମରେ ସେୟାର କରିଛନ୍ତି ।
ଏହା ମଧ୍ୟ ପଢନ୍ତୁ: UP Election Result 2022: ହସ୍ତିନାପୁର ହାତେଇବେ କି ବିକିନି ଗର୍ଲ ?
ଭିଡିଓରେ ଅର୍ଚ୍ଚନା ସାଜିଦଙ୍କୁ ପ୍ରଥମେ ପୂଜା କରି ରାକ୍ଷୀ ବାନ୍ଧିଥିବାର ନଜର ଆସିଛନ୍ତି । ଭିଡିଓରେ ଫରାହଙ୍କ ସ୍ୱର ପଛରୁ ଶୁଣାଯାଉଛି । ସେ କହୁଛନ୍ତି ଯେ ଅର୍ଚ୍ଚନା, ଆପଣ ସାଜିଦଙ୍କୁ ରାକ୍ଷୀ ବାନ୍ଧିବାକୁ ଆସିଛନ୍ତି । ଭିଡିଓର କ୍ୟାପସନରେ ଫରାହ ଲେଖିଛନ୍ତି, ଶୁଭ ରକ୍ଷା ବନ୍ଧନ, ମୋର ପ୍ରିୟ ଦିନ @archanagautammm @aslisajid ଖାନଙ୍କୁ ଦେଇଥିବା # ବିଗ୍ ବସ୍ ପ୍ରତିଶ୍ରୁତି ପାଳନ କରିବାକୁ ଆସିଥିଲେ ।
'ବିଗ୍ ବସ୍ 16' ପରେ ଅର୍ଚ୍ଚନା ଗୌତମ 'ଖତରୋଁ କେ ଖିଲାଡି 13' ପାଇଁ ଚର୍ଚ୍ଚାରେ ଅଛନ୍ତି । ବିପଦଜ୍ଜନକ ଷ୍ଟଣ୍ଟ କରିବା ସହିତ ସେ ଲୋକଙ୍କୁ ମନୋରଞ୍ଜନ ମଧ୍ୟ କରୁଛନ୍ତି । ଅର୍ଚ୍ଚନା ମିରଟର ବାସିନ୍ଦା । 27 ବର୍ଷୀୟା ଅର୍ଚ୍ଚନା ଜଣେ ଅଭିନେତ୍ରୀ, ମଡେଲ୍ ଏବଂ ବ୍ୟୁଟି ପେଜେଣ୍ଟ ଟାଇଟଲ୍ ହୋଲ୍ଡର । ସେ ସାମ୍ବାଦିକା ହେବାକୁ ଚାହୁଁଥିଲେ, କିନ୍ତୁ ମଡେଲ ହେବା ତାଙ୍କ ଭାଗ୍ୟରେ ଲେଖାଥିଲା ।
ଏହା ମଧ୍ୟ ପଢନ୍ତୁ: ବିବାଦରେ ବିଗ୍ବସ୍ ! ସାଜିଦଙ୍କ ବିରୋଧରେ ଥାନାରେ ଏତଲା ଦେଲେ ଶର୍ଲିନ୍
ମିରଟର ପ୍ରତାପୁରର ବାସିନ୍ଦା ଅର୍ଚ୍ଚନା ଗୌତମ କିଛି ବର୍ଷ ପୂର୍ବେ ମେରଟରୁ ମଡେଲିଂ ଆରମ୍ଭ କରିଥିଲେ ଯେତେବେଳେ ସେ 'ମିସ୍ ୟୁପି' ଭାବରେ ନିର୍ବାଚିତ ହୋଇଥିଲେ । 2018 ମସିହାରେ, ସେ 'ମିସ୍ ଇଣ୍ଡିଆ ବିକିନି'ରେ ଅଂଶଗ୍ରହଣ କରି ଟାଇଟଲ୍ ଜିତିଥିଲେ । ସେ 2018 ରେ 'ମିସ୍ କସ୍ମୋସ୍ ୱାର୍ଲ୍ଡ'ରେ ଭାରତର ପ୍ରତିନିଧିତ୍ୱ କରିଥିଲେ ଏବଂ 'ମୋଷ୍ଟ ଟ୍ୟାଲେଣ୍ଟେଡ୍ 2018' ଟାଇଟଲ୍ ଜିତିଥିଲେ ।
