ହାଇଦ୍ରାବାଦ:କାର୍ତ୍ତିକ ଆର୍ଯ୍ୟନ ଏବଂ କିଆରା ଆଡଭାନୀଙ୍କ ଆଗାମୀ ଫିଲ୍ମ 'ସତ୍ୟପ୍ରେମ କି କଥା'କୁ ନେଇ ଶିରୋନାମାରେ ରହିଛନ୍ତି । ନିକଟରେ ଫିଲ୍ମର ଗୀତ 'ପାସୁରୀ' ରିଲିଜ ହୋଇଥିଲା । ଯାହାକି 2022 ସୁପରହିଟ୍ ଗୀତ ପାସୁରୀର ରିମେକ୍ ଅଟେ । 'ପାସୁରୀ' ରିଲିଜ୍ ହେବା ଦିନ ଠାରୁ ଉଭୟ ଗୀତ ଏବଂ ନିର୍ମାତା ଅସୁବିଧାର ସମ୍ମୁଖୀନ ହୋଇଥିଲେ । ମୂଳ ଗୀତକୁ ପସନ୍ଦ କରୁଥିବା ଲୋକମାନେ ସୋସିଆଲ ମିଡିଆରେ ଅରିଜିତ ସିଂଙ୍କ ପାସୁରୀ ନୁଙ୍କୁ କ୍ରମାଗତ ଭାବରେ ଟ୍ରୋଲ କରୁଛନ୍ତି । ଏହାରି ମଧ୍ୟରେ ପାକିସ୍ତାନର ପୂର୍ବତନ କ୍ରିକେଟର ଶୋଏବ ଅଖତର ମଧ୍ୟ ପାସୁରୀର ରିମେକ୍ ଉପରେ ପ୍ରତିକ୍ରିୟା ରଖିଛନ୍ତି ।
ପାସୁରୀର ମୂଳ ଗୀତକୁ ପାକିସ୍ତାନୀ ଗାୟକ ଅଲି ସେଠୀ ଏବଂ ସେ ଗିଲ ଗାଇଛନ୍ତି । ଏହି ସମୟରେ କୋକ୍ ଷ୍ଟୁଡିଓ ଏହାକୁ ଉପସ୍ଥାପନ କରିଛି । ଏପଟେ ପାସୁରୀର ରିମେକ୍ ଉପରେ ପାକିସ୍ତାନରୁ କ୍ରମାଗତ ପ୍ରତିକ୍ରିୟା ଆସୁଛି । ବର୍ତ୍ତମାନ ଶୋଏବ ଅଖତର ଟ୍ୱିଟରରେ ଗୀତକୁ ନେଇ ପ୍ରତିକ୍ରିୟା ଦେଇଛନ୍ତି । ସେ ଟୁଇଟ୍ କରି କହିଛନ୍ତି, “ଆଏ କୀ ପାସୁରି ପାୟେ ଆଏ'' (ଏହାର ଅର୍ଥ ପାସୁରୀ ନେଇ ଏ କେମିତି କା ଗୀତ ହୋଇଛି )। ଏହି ପ୍ରତିକ୍ରିୟା ବେଶ ଭାଇରାଲ ହେଉଛି ।
ବର୍ତ୍ତମାନ ପର୍ଯ୍ୟନ୍ତ ପ୍ରାୟ 6000 ଲୋକ କ୍ରିକେଟରଙ୍କ ପୋଷ୍ଟକୁ ପସନ୍ଦ କରିଛନ୍ତି । ଏହାକୁ ନେଇ ୟୁର୍ଜସ ନିଜ ପ୍ରତିକ୍ରିୟା ଦେଉଛନ୍ତି । ଜଣେ ଲେଖିଛନ୍ତି, ଏପରି ଏକ ସୁନ୍ଦର ଗୀତକୁ ନଷ୍ଟ କରିଦେଇଛନ୍ତି । ଟି-ସିରିଜ ବଲିଉଡର ସମସ୍ତ ହିଟ୍ ଗୀତ ନଷ୍ଟ କରିବା ପରେ ବର୍ତ୍ତମାନ ତୁମ ପରେ ପଡିଯାଇଛି । ଆଉ ଜଣେ ଲେଖିଛନ୍ତି, ସବୁବେଳ ପରି ପାକିସ୍ତାନ ମ୍ୟୁଜିକକୁ ଚୋରି କରାଯାଉଛି ।