ମୁମ୍ବାଇ:ପୁଣି ଚର୍ଚ୍ଚାରେ ବଲିଉଡ ତାରକା ସଲମାନ ଖାନଙ୍କ ସବୁଠାରୁ ଲୋକପ୍ରିୟ ଟିଭି ରିଆଲିଟି ସୋ' ବିଗ୍ ବସ୍ ସିଜନ୍ 13ର ବିଜେତା ତଥା ଟେଲିଭିଜନ ଅଭିନେତା ସିଦ୍ଧାର୍ଥ ଶୁକ୍ଲା, ପ୍ରତିଯୋଗୀ ଶେହନାଜ୍ ଗିଲ୍ ଏବଂ ଅସୀମ ରିଆଜ୍ । ନିକଟରେ ଏକ ସାକ୍ଷାତକାରରେ ଅସୀମ ବିଗ୍ ବସ୍ 13ର ବିଜେତା ସିଦ୍ଧାର୍ଥ ଶୁକ୍ଲାଙ୍କ ବିଷୟରେ ଆଶ୍ଚର୍ଯ୍ୟଜନକ ତଥ୍ୟ ଦେଇଛନ୍ତି । ସେ କହିଛନ୍ତି ସିଦ୍ଧାର୍ଥ ଶୁକ୍ଲା ବିଗ୍ ବସ୍ 13ର 'ଫିକ୍ସଡ' ବିଜେତା ଥିଲେ । ତେବେ ଏହାକୁ ନେଇ ସିଦ୍ଧାର୍ଥଙ୍କ ଗର୍ଲଫ୍ରେଣ୍ଡ ଶେହନାଜ ଗିଲ ପ୍ରତିକ୍ରିୟା ରଖିଛନ୍ତି ।
ନିକଟରେ ଏକ ସାକ୍ଷାତକାରରେ ବିଗ୍ ବସ୍ 13ର ପ୍ରଥମ ରନର୍ ଅପ୍ ଆସୀମ୍ ରିଆଜଙ୍କୁ ସିଦ୍ଧାର୍ଥ ଶୁକ୍ଲା ବିଷୟରେ ପଚରାଯାଇଥିଲା । ସେ କହିଥିଲେ ଯେ, ଫାଇନାଲରେ ଶେଷ 15 ମିନିଟରେ ଲାଇଭ୍ ଭୋଟିଂ କରି ସୋ ନିର୍ମାତାମାନେ ତାଙ୍କ ପ୍ରତି ଅନ୍ୟାୟ କରିଥିଲେ ଏବଂ ସେ ହାରିଗଲେ । ଏହାସହ ଅସୀମ ସିଦ୍ଧାର୍ଥଙ୍କୁ 'ଫିକ୍ସଡ' ବିଜେତା ବୋଲି ମଧ୍ୟ କହିଥିଲେ । ସେ ଆହୁରିମଧ୍ୟ କହିଛନ୍ତି ଯେ, ରାତିରେ ସିଦ୍ଧାର୍ଥ ଶୁକ୍ଲାଙ୍କର ମୃତ୍ୟୁ ହେଲା, ସେ ମୋ ସ୍ବପ୍ନରେ ଆସି ମୋତେ ଆଲିଙ୍ଗନ କରିଥିଲେ । ମୁଁ ଅନୁଭବ କଲି ଯେ କିଛି ଠିକ୍ ନୁହେଁ । ଏହାପରେ ମୁଁ ମୋ ବନ୍ଧୁର କଲ ପାଇ ଟିଭିରେ ଏହି ଖବର ଦେଖିଥିଲି ଏବଂ ମୁଁ ବିଶ୍ବାସ କରିପାରିଲିନି ଯାହା ସିଦ୍ଧାର୍ଥଙ୍କ ସହିତ ଘଟିଲା ।