ହାଇଦ୍ରାବାଦ: ଜମ୍ମୁ ଓ କାଶ୍ମୀରର ସ୍ୱତନ୍ତ୍ର ଧାରା ୩୭୦ ଉଚ୍ଛେଦ ମାମଲା ସୁପ୍ରିମକୋର୍ଟଙ୍କ ଐତିହାସିକ ରାୟ । ସୁପ୍ରିମକୋର୍ଟ ପ୍ରଧାନ ବିଚାରପତି ଚନ୍ଦ୍ରଚୁଡ଼ଙ୍କ ଅଧ୍ୟକ୍ଷତାରେ ଗଠିତ ୫ ଜଣିଆ ଖଣ୍ଡପୀଠ, କେନ୍ଦ୍ର ସରକାରଙ୍କ ନିଷ୍ପତ୍ତିକୁ ବୈଧ ଘୋଷଣା କରିଥିବା ବେଳେ, ଏହାକୁ ଚ୍ୟାଲେଞ୍ଜ କରାଯାଇଥିବା ଆବେଦନକୁ ଅଗ୍ରାହ୍ୟ କରି ଦେଇଛନ୍ତି । ଏଥିସହ ଜମ୍ମୁ କଶ୍ମୀରକୁ ତୁରନ୍ତ ରାଜ୍ୟ ମାନ୍ୟତା ପ୍ରଦାନ କରିବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ । ଏହି ଧାରା ୩୭୦ ଉଚ୍ଛେଦ ନିଷ୍ପତ୍ତି ନେଇ ବର୍ତ୍ତମାନ 'କାଶ୍ମୀର ଫାଇଲ୍ସ' ତାରକା ଅନୁପମ ଖେର ଏବଂ ଚଳଚ୍ଚିତ୍ର ନିର୍ମାତା ବିବେକ ଅଗ୍ନିହୋତ୍ରୀ ପ୍ରତିକ୍ରିୟା ଦେଇଛନ୍ତି । ଉଭୟ ସେଲିବ୍ରିଟି ଖୁସି ଜାହିର କରିବା ସହ ପ୍ରଧାନମନ୍ତ୍ରୀ ମୋଦି ଏବଂ ସୁପ୍ରିମକୋର୍ଟଙ୍କୁ ଧନ୍ୟବାଦ ଜଣାଇଛନ୍ତି ।
ଅନୁପମ ଖେର ତାଙ୍କ ଅଫିସିଆଲ ଏକ୍ସ (ପୂର୍ବ ଟ୍ୱିଟର) ରେ ଏକ ଭିଡିଓ ସେୟାର କରିଛନ୍ତି । ଭିଡିଓରେ ସେ କହିଛନ୍ତି ଯେ ତାଙ୍କର ବିମାନ ଦୁବାଇରୁ ଦିଲ୍ଲୀ ଅଭିମୁଖେ ଯାତ୍ରା କରିବାକୁ ଯାଉଛି । ଏହି ସମୟରେ ମୋତେ ଏକ ନୋଟିଫିକେସନ ଆସିଲା ଯେ, ଧାରା ୩୭୦ ଉଚ୍ଛେଦୁ ନେଇ ଚାଲିଥିବା ମାମଲା ଉପରେ ଯେଉଁଥିରେ ସୁପ୍ରିମକୋର୍ଟ ସପକ୍ଷରେ ରାୟ ଶୁଣାଛନ୍ତି। ଧାରା 370 ରଦ୍ଦ କରିବା ଆବଶ୍ୟକ ଥିଲା । କାଶ୍ମୀର ହେଉଛି ଭାରତର ଏକ ଅବିଚ୍ଛେଦ୍ୟ ଅଙ୍ଗ ଏବଂ ବର୍ତ୍ତମାନ, ମୋର ବିଶ୍ୱାସ ଯେ ଏହା ଉପରେ ସମସ୍ତ ବିତର୍କ ଶେଷ ହେବା ଉଚିତ୍ । ଜୟ ହୋ, ଜୟ ହିନ୍ଦ, ଜିନ୍ଦାବାଦ ।
ସେହିପରି ବିବେକ ଅଗ୍ନିହୋତ୍ରୀ ପ୍ରତିକ୍ରିୟାରେ ପ୍ରଧାନମନ୍ତ୍ରୀ ମୋଦିଙ୍କୁ ଧନ୍ୟବାଦ ଜଣାଇଛନ୍ତି। ସେ ଏକ୍ସରେ ପୋଷ୍ଟ ସେୟାର କରି ଲେଖିଛନ୍ତି, 'ସର୍ବପ୍ରଥମେ, ମୁଁ ନରେନ୍ଦ୍ର ମୋଦି ଏବଂ ଅମିତ ଶାହଙ୍କୁ ଧାରା 370 ରଦ୍ଦ କରିଥିବାରୁ ଅଭିନନ୍ଦନ ଜଣାଉଛି । ନ୍ୟାୟ ଅଧିକାର(Right TO Justice)କୁ ସମର୍ଥନ କରିଥିବାରୁ ମୁଁ ସୁପ୍ରିମକୋର୍ଟଙ୍କୁ ମଧ୍ୟ ଧନ୍ୟବାଦ ଜଣାଉଛି । ଜଷ୍ଟିସ୍ ଏସସି କୌଲ୍ ଏକ ଗୁରୁତ୍ୱପୂର୍ଣ୍ଣ ସୁପାରିଶ କରିଛନ୍ତି । ବର୍ତ୍ତମାନ ସମୟ ଆସିଛି ଯେ ଭାରତ ଗତ ୭୫ ବର୍ଷର ସମସ୍ତ ଜନଶୁଣାଣି ପାଇଁ TARC ପ୍ରତିଷ୍ଠା କରିବ । ସିଧାସଳଖ କାର୍ଯ୍ୟ ଦିବସ ଠାରୁ ଆରମ୍ଭ କରି ୨୦୨୦ର ଦିଲ୍ଲୀ ଦଙ୍ଗା ପର୍ଯ୍ୟନ୍ତ, ବର୍ତ୍ତମାନ ସମୟ ଆସିଛି ଯେ ଭାରତୀୟ ନରସଂହାର ଏବଂ ନାଗରିକଙ୍କ ଜୀବନ ଅଧିକାରକୁ ଗୁରୁତର ସହ ନିଆଯିବା ଉଚିତ୍ ।