ହାଇଦ୍ରାବାଦ: ପୁଣି ଇତିହାସ ରଚିଲେ ଗୋଲ୍ଡେନ୍ ବଏ ନୀରଜ ଚୋପ୍ରା । ଭାରତ ପାଇଁ ଜିତିଲେ ସ୍ୱର୍ଣ୍ଣ ପଦକ । ବିଶ୍ୱସ୍ତରୀୟ ପ୍ରତିଯୋଗୀତାରେ ସ୍ୱର୍ଣ୍ଣ ପଦକ ଜିତିବାରେ ସେ ହୋଇଛନ୍ତି ପ୍ରଥମ ଭାରତୀୟ । ନୀରଜ ଚୋପ୍ରା ବିଶ୍ବ ଆଥଲେଟିକ ଚମ୍ପିଆନସିପ୍ ଜାଭେଲିନ୍ ଥ୍ରୋ' ଫାଇନାଲ୍ରେ ସେ 88.17 ମିଟର ଜାଭେଲିନ୍ ଫିଙ୍ଗି ପ୍ରଥମ ସ୍ଥାନ ଅଧିକାର କରିଛନ୍ତି । ଦୀର୍ଘ 40ବର୍ଷ ପରେ ଭାରତକୁ ଆଥଲେଟ୍ରେ ପ୍ରଥମ ସ୍ବର୍ଣ୍ଣ ପଦକ ମିଳିଛି । ନୀରଜଙ୍କ ସଫଳତା ପରେ ଟୁଇଟ୍ କରି ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଜାଭେଲିନ ଫିଙ୍ଗାଳି ନୀରଜ ଚୋପ୍ରାଙ୍କ ଏହି ଐତିହାସିକ ବିଜୟ ସହିତ ସମଗ୍ର ଦେଶ ପୁଣି ଥରେ ଆନନ୍ଦିତ ହୋଇଉଠିଛି । ଏଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ବହୁ ରାଜନୈତିକ ନେତା, ବ୍ୟବସାୟ, କ୍ରୀଡା ଏବଂ ମନୋରଞ୍ଜନ ବ୍ୟକ୍ତିତ୍ୱ ନୀରଜଙ୍କୁ ଐତିହାସିକ ବିଜୟ ପାଇଁ ଅଭିନନ୍ଦନ ଜଣାଇଛନ୍ତି । ଏଥି ସହ ଅନୁପମ ଖେର ଏବଂ ଫରହାନ ଅଖତର ତାର ବିଜୟ ପାଇଁ ଷ୍ଟାର ଖେଳାଳିଙ୍କୁ ହୃଦୟରୁ ଅଭିନନ୍ଦନ ଜଣାଇଛନ୍ତି।
ଅନୁପମ ଖେର ସ୍ୱର୍ଣ୍ଣ ପଦକ ଜିତିଥିବାରୁ ନୀରଜ ଚୋପ୍ରାଙ୍କୁ ଅଭିନନ୍ଦନ ଜଣାଇବା ସହିତ ଏକ ଭିଡିଓ ସେୟାର କରିଛନ୍ତି । ଅନୁପମ ଖେର ଏହି ଭିଡିଓ ନିଜ ଇନଷ୍ଟାଗ୍ରାମରେ ସେୟାର କରି ପୋଷ୍ଟରେ ଲେଖିଛନ୍ତି, "ନୀରଜ ଚୋପ୍ରା କି ଜୟ …… ଭାରତ ମାତା କି ଔର୍ ଭୀ ଜୟ !!!"
କଙ୍ଗନା ଇନଷ୍ଟାଗ୍ରାମ ଷ୍ଟୋରୀରେ ଲେଖିଛନ୍ତି, "ଅଭିନନ୍ଦନ ଭାରତ। ନିଃସନ୍ଦେହରେ ସବୁ ସମୟର ସର୍ବଶ୍ରେଷ୍ଠ ନୀରଜ ଚୋପ୍ରା ।"