ହାଇଦ୍ରାବାଦ: ବକ୍ସ ଅଫିସରେ ଏକାସାଙ୍ଗେ ରିଲିଜ ହୋଇଛି ରଣବୀର କପୁରଙ୍କ 'ଆନିମଲ' ଏବଂ ବିକି କୌଶଲଙ୍କ 'ସାମ ବାହାଦୂର' । ଉଭୟ ଫିଲ୍ମ ଦର୍ଶକଙ୍କୁ ଆକୃଷ୍ଟ କରିବାରେ ସଫଳ ହେଉଛି । ଆନିମଲଠାରୁ ବହୁ ଦୂରରେ ରହିଥିଲେ ସୁଦ୍ଧା ସାମ ବାହାଦୂର ଭଲ ପ୍ରଦର୍ଶନ କରୁଛି । ଉଭୟ ଫିଲ୍ମ ରିଲିଜର ୧୦ମ ଦିନରେ ପହଞ୍ଚିଛି । ରଣବୀରଙ୍କ ଫିଲ୍ମ ଆନିମଲ ଭାରତରେ ୪୦୦କୋଟି ପାର୍ କରି ପଠାନ, ଜବାନ, ଦଙ୍ଗଲ ଭଳି ଫିଲ୍ମର ରେକର୍ଡ ଭାଙ୍ଗିଛି । ସେପଟେ କିଛି ଦିନର ହ୍ରାସ ପରେ ପୁଣି 'ସାମ ବାହାଦୂର' ର ଆୟ ବୃଦ୍ଧି ହୋଇଛି । ୧୦ମ ଦିନରେ ଫିଲ୍ମ ୫୦କୋଟି ପାର୍ କରିଛି ।
ସାକନିକ୍ଙ୍କ ରିପୋର୍ଟ ଅନୁଯାୟୀ, 'ଆନିମଲ' ରିଲିଜର ଦଶମ ଦିନରେ ଅର୍ଥାତ୍ ଦ୍ୱିତୀୟ ରବିବାରରେ ବିଶ୍ବରେ ୭୦୦କୋଟି ପାର୍ କରିଛି । ବିଶ୍ବରେ ମୋଟ ୭୧୭.୪୬ କୋଟି ଆୟ କରିଛି । ଏଥିସହ ଭାରତୀୟ ବକ୍ସ ଅଫିସରେ ୩୭ କୋଟି ଟଙ୍କା ଆୟ କରିଛି । ତେବେ ଆନିମଲର ମୋଟ ରୋଜଗାର ୪୨୭ କୋଟିରେ ପହଞ୍ଚିଛି । ଏହିପରି ଏହି ଫିଲ୍ମ ଅନେକ ଫିଲ୍ମର ରେକର୍ଡ ଭାଙ୍ଗିବା ସହ ଏବେ ଦ୍ୱିତୀୟ ସର୍ବାଧିକ ଆୟ କରିଥିବା ଚଳଚ୍ଚିତ୍ର ହୋଇପାରିଛି । ରଣବୀରଙ୍କ ଫିଲ୍ମ ଆମୀର ଖାନଙ୍କ ଦଙ୍ଗଲ, ଶାହାରୁଖ ଖାନଙ୍କ ପଠାନ, ଜବାନ, ସଲମାନ ଖାନଙ୍କ ଟାଇଗର ୩କୁ ଫଛରେ ପକାଇଛି ।
- 'ଆନିମଲ'ର ୧୦ମ ଦିନ ଆୟ- ୩୭ କୋଟି
- 'ଦଙ୍ଗଲ' ର ୧୦ମ ଦିନ ଆୟ- ୩୦.୬୯ କୋଟି ଟଙ୍କା
- 'ଜବାନ'ର ୧୦ମ ଦିନ ଆୟ- ୩୦.୧ କୋଟି ଟଙ୍କା
- 'ସଞ୍ଜୁ'ର ୧୦ମ ଦିନ ଆୟ- ୨୮.୦୫ କୋଟି ଟଙ୍କା
- 'ଟାଇଗର ଜିନ୍ଦା ହେ'ର ୧୦ମ ଦିନ ଆୟ- ୨୨.୨୩ କୋଟି ଟଙ୍କା
- 'ପଠାନ'ର ୧୦ମ ଦିନ ଆୟ- ୧୩.୫ କୋଟି ଟଙ୍କା