ମୁମ୍ବାଇ: An Action Hero ର ଧମାକାଦାର ଟ୍ରେଲର ରିଲିଜ । ଆୟୁଷ୍ମାନ ଖୁରାନା (Ayushmann Khurrana) ଏବଂ ଜୟଦୀପ ଅହଲାୱତ (Jaideep Ahlawat)ଙ୍କ ଫିଲ୍ମ 'ଆନ୍ ଆକ୍ସନ୍ ହିରୋ' (An Action Hero)ର ଟ୍ରେଲର ମୁକ୍ତିଲାଭ କରିଛି । ଏହି ଫିଲ୍ମରେ ଆୟୁଷ୍ମାନଙ୍କ ଭିନ୍ନ ଅନ୍ଦାଜ ଦେଖିବାକୁ ମିଳିବ । ଟ୍ରେଲରଟି ବହୁତ ପ୍ରମିସିଙ୍ଗ୍ ଲାଗୁଥିବାବେଳେ ଆୟୁଷ୍ମାନଙ୍କ ପ୍ରତ୍ୟେକ ଚଳଚ୍ଚିତ୍ର ପରି ଏହି ଚଳଚ୍ଚିତ୍ରର କାହାଣୀ ମଧ୍ୟ ଭିନ୍ନ ଦେଖାଯାଉଛି । ଏହା ସହିତ ଜୟଦୀପଙ୍କ ଲୁକ୍ ଏବଂ ଅଭିନୟ ମଧ୍ୟ ଟ୍ରେଲରରେ ଆକର୍ଷିତ କରୁଛି ।
'ଆନ୍ ଆକ୍ସନ୍ ହିରୋ'ର ଟ୍ରେଲର ଅନୁଯାୟୀ, ଫିଲ୍ମର କାହାଣୀ ଜଣେ ଅଭିନେତାଙ୍କୁ ନେଇ, ଯିଏ ଏକ ହତ୍ୟା ମାମଲାରେ ଫସିଯାଏ । ଆୟୁଷ୍ମାନ ଏବଂ ଜୟଦୀପଙ୍କ ଅଭିନୟ ହେଉଛି ଟ୍ରେଲରର ସେଣ୍ଟର । ଏଥିସହିତ ଟ୍ରେଲରରେ ମଲାଇକା ଆରୋରାଙ୍କ ଝଲକ ମଧ୍ୟ ଦେଖିବାକୁ ମିଳିଛି । ଖବର ମୁତାବକ, ମଲାଇକା ଏକ ଡ୍ୟାନ୍ସ ନମ୍ବର କରିଛନ୍ତି । ଅନିରୁଦ୍ଧ ଆୟର୍ ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି । ଚଳଚ୍ଚିତ୍ରଟି ଜଣେ ଅଭିନେତାଙ୍କ କ୍ୟାମେରାର ପଛ ଏବଂ ସାମ୍ନାର କାହାଣୀ କହିଥାଏ । ଏହି ଚଳଚ୍ଚିତ୍ରଟି ଆନନ୍ଦ ଏଲ ରାୟଙ୍କ ଦ୍ୱାରା ନିର୍ମିତ । ଏହା ଆୟୁଷ୍ମାନ ଖୁରାନାଙ୍କର ପ୍ରଥମ ଆକ୍ସନ୍ ଫିଲ୍ମ ।