ହାଇଦ୍ରାବାଦ: ବଲିଉଡ ଅଭିନେତା ଅଜୟ ଦେବଗନ ଆଗାମୀ ଘୋଷଣା ହୋଇଛି। ଏକ ନାଚୁରାଲ୍ ଥ୍ରୀଲର ଫିଲ୍ମରେ ନଜର ଆସିବେ ଅଭିନେତା । ଫିଲ୍ମର ଟାଇଟଲ ପ୍ରକାଶ କରାଯାଇନଥିବା ବେଳେ ଏହି ଫିଲ୍ମରେ ଅଜୟ ଦେବଗନ୍, ଅଭିନେତା ଆର ମାଧବନ୍, ଏବଂ ସାଉଥ ଅଭିନେତ୍ରୀ ଜ୍ୟୋତିକାଙ୍କୁ ଏକାଠି ଦେଖିବାକୁ ମିଳିବ । ଫିଲ୍ମର ଘୋଷଣା ଶୁଣିବା ପରେ ଫ୍ଯାନ୍ସଙ୍କ ମଧ୍ୟରେ ଉତ୍ସାହ ବଢିଯାଇଛି ।
ହିନ୍ଦୀ ସିନେମାରେ ଅଜୟ ଦେବଗନ୍, ଆର ମାଧବନ୍ ଏବଂ ଜ୍ୟୋତିକାଙ୍କୁ ପ୍ରଥମ ଥର ପାଇଁ ଏକାଠି ଦେଖିବାକୁ ମିଳିବ । ଅଜୟ ଦେବଗନ୍ ତାଙ୍କ ଅଫିସିଆଲ୍ ଟ୍ବିଟରରେ ଆଗାମୀ ଫିଲ୍ମ ବିଷୟରେ ଏକ ପୋଷ୍ଟ ସେୟାର କରି ଏହି ସୂଚନା ଦେଇଛନ୍ତି । ଫଟୋ ସେୟାର କରି ସେ ଲେଖିଛନ୍ତି,"କିଛି ଜିନିଷ ସୁପରନାଚୁରାଲ ମୋଡ଼ ନେବାକୁ ଯାଉଛି । ବିକାଶ ବାହଲଙ୍କ ନିର୍ଦ୍ଦେଶିତ ଏକ ରୋମାଞ୍ଚକର ଥ୍ରୀଲରରେ ମୁଁ ଆର୍ ମାଧବନ୍ ଏବଂ ଜ୍ୟୋତିକାଙ୍କ ନଜର ଆସିବୁ । ଏହି ଚଳଚ୍ଚିତ୍ରକୁ ମାର୍ଚ୍ଚ 8, 2024ରେ ପ୍ରେକ୍ଷାଳୟରେ ଦେଖିବାକୁ ପାଇବେ ।" ଏହିପରି ଅଜୟ ଦେବଗନ୍ ତାଙ୍କର ଆଗାମୀ ଅଲୌକିକ ଥ୍ରୀଲର ଚଳଚ୍ଚିତ୍ର ଘୋଷଣା କରିଛନ୍ତି । ଅଜୟଙ୍କର ଏହି ପୋଷ୍ଟ ସେୟାର ହେବା ପରେ ସମସ୍ତେ ଏହି ଚଳଚ୍ଚିତ୍ର ପାଇଁ ଉତ୍ସାହର ସହ ଅପେକ୍ଷା କରିଛନ୍ତି ।