ମୁମ୍ବାଇ: ବଲିଉଡର କିଙ୍ଗ ଖାନଙ୍କ ଫିଲ୍ମ 'ଜବାନ' ବକ୍ସ ଅଫିସରେ ଅନେକ ରେକର୍ଡ ଭାଙ୍ଗୁଛି । ଫିଲ୍ମ ରିଲିଜ ହେବାର 5 ଦିନ ମଧ୍ୟରେ 500 କୋଟି ଟଙ୍କା ପାର୍ କରିଛି । ଏହି କାରଣରୁ, ଯେତେବେଳେ ଫିଲ୍ମର ନିର୍ଦ୍ଦେଶକ ଅଟଲିଙ୍କୁ ତାଙ୍କର ପରବର୍ତ୍ତୀ ବଲିଉଡ୍ ପ୍ରୋଜେକ୍ଟ ବିଷୟରେ ପଚରାଯାଇଥିଲା, ସେତେବେଳେ ସେ କହିଛନ୍ତି ଯେ ସେ ବଲିଉଡ୍ର କିଛି ବରିଷ୍ଠ କଳାକାରଙ୍କ ସହ କାମ କରିବାକୁ ଚାହୁଁଛନ୍ତି ।
ଏହି କଳାକାରମାନଙ୍କ ସହ ଚଳଚ୍ଚିତ୍ର ଆଣିପାରନ୍ତି ଅଟଲି !
ଚଳଚ୍ଚିତ୍ରର ସଫଳତା ବିଷୟରେ ଯୁବ ନିର୍ଦ୍ଦେଶକ କହିଛନ୍ତି ଯେ, ଶାହାରୁଖ ଏବଂ ଅନ୍ୟ କଳାକାରମାନେ ଏହି ଫିଲ୍ମରେ ଆଶ୍ଚର୍ଯ୍ୟଜନକ କାମ କରିଛନ୍ତି। ଏହା ପରେ ଯେତେବେଳେ ତାଙ୍କୁ ପଚରାଗଲା ଯେ ସେ ଅନ୍ୟ କୌଣସି ବଲିଉଡ ଅଭିନେତାଙ୍କ ସହ କାମ କରିବାକୁ ଚାହୁଁଛନ୍ତି କି? ତା’ପରେ ସେ କହିଥିଲେ ଯେ ମୁଁ ନିଶ୍ଚିତ ଭଲ ଅଭିନେତାମାନଙ୍କ ସହିତ କାମ କରିବାକୁ ଚାହେଁ । ନାମ ବିଷୟରେ ପଚରାଯିବାରୁ ସେ କହିଥିଲେ ଯେ ସେ ଅମିର, ସଲମାନ, ହ୍ରିତିକଙ୍କ ସହ କାମ କରିବାକୁ ଚାହୁଁଛନ୍ତି ।
ଏହା ମଧ୍ୟ ପଢନ୍ତୁ: ଜବାନ ଦେଖି ଥିଏଟରରେ ସିଟି ମାରିଲେ ଅନୁପମ ଖେର, କହିଲେ- ମୁମ୍ବାଇ ଆସି ଶାହରୁଖଙ୍କୁ ହଗ୍ କରିବି
ଜବାନ୍ ବକ୍ସ ଅଫିସରେ କଲା କମାଲ
ଦେଶ ତଥା ବିଦେଶରେ ଭଲ ପ୍ରଦର୍ଶନ କରୁଛି ଶାହାରୁଖ ଖାନ ଏବଂ ନୟନତାରାଙ୍କ ଅଭିନୀତ ଫିଲ୍ମ ଜବାନ । ଏହି ଫିଲ୍ମ ଦମଦାର ଓପନିଂ କରିଥିବା ବେଳେ ଘରୋଇ ବକ୍ସ ଅଫିସରେ ପଞ୍ଚମ ଦିନରେ ବି ବେଶ ସଫଳତା ହାସଲ କରିଛି । ଫିଲ୍ମ ରିଲିଜ୍ ହେବାର 5 ଦିନ ମଧ୍ୟରେ 500 କୋଟି ଟଙ୍କା ପାର୍ କରିଛି ।
ଏହା ମଧ୍ୟ ପଢନ୍ତୁ: ବୟସ ବ୍ୟବଧାନକୁ ନେଇ ଟ୍ରୋଲରଙ୍କୁ କରୀନାଙ୍କ ଜବାବ୍, କହିଲେ-ସୈଫ୍ ପୂର୍ବ ଅପେକ୍ଷା ହଟ୍ ଦେଖାଯାଉଛନ୍ତି
ସାକନିକ୍ଙ୍କ ରିପୋର୍ଟର ପ୍ରାରମ୍ଭିକ ଆକଳନ ଅନୁଯାୟୀ, ପ୍ରଥମ ଦିନରେ 75 କୋଟିରେ ଓପନିଂ କରି ଏହି ଆକ୍ସନ ଥୀଲର ଫିଲ୍ମ ପ୍ରଥମ ହିନ୍ଦୀ ଫିଲ୍ମ ଭାବେ ଇତିହାସ ରଚିଥିଲା । ରିଲିଜର ଦ୍ୱିତୀୟ ଦିନରେ 53.23 କୋଟି, ତୃତୀୟ ଦିନରେ 77.83 କୋଟି ଏବଂ ଚତୁର୍ଥ ଦିନରେ 80.5 କୋଟି ଟଙ୍କା କଲେକ୍ସନ୍ କରି ନିଜର ଦବଦବା ବଜାୟ ରଖିଛି । ଏହା ବ୍ୟତୀତ ଫିଲ୍ମ ରୋଜଗାର ଦୃଷ୍ଟିରୁ ଅନେକ ରେକର୍ଡ ଭାଙ୍ଗୁଛି। ଏହି ଚଳଚ୍ଚିତ୍ରରେ ଶାହାରୁଖ ଡବଲ ଭୂମିକା ଗ୍ରହଣ କରିଛନ୍ତି। 'କିଙ୍ଗ ଖାନ' ବ୍ୟତୀତ ଅଭିନେତ୍ରୀ ନୟନତାରା, ସାନ୍ୟା ମାଲହୋତ୍ରା, ବିଜୟ ସେଥୁପତି, ପ୍ରିୟମଣିଙ୍କ ଭଳି ତାରକା ମଧ୍ୟ ଏହି ଚଳଚ୍ଚିତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି ।
