ହାଇଦ୍ରାବାଦ: ଖୁବଶୀଘ୍ର ରିଲିଜ ହେବାକୁ ଯାଉଛି ଫିଲ୍ମ 'ଆଦିପୁରୁଷ' । ପୂର୍ବରୁ ଫିଲ୍ମର ଟ୍ରେଲର ରିଲିଜ ହୋଇଥିଲା । ଯାହା ବେଶ ଲୋକପ୍ରିୟତା ହାସଲ କରିଥିଲା । ଏହାରି ମଧ୍ୟରେ ଗତକାଲି ଫିଲ୍ମର ନୂଆ ଗୀତ 'ଜୟ ଶ୍ରୀ ରାମ' ରିଲିଜ ହୋଇଛି । ଫିଲ୍ମର ଏହି ଗୀତ ରିଲିଜ ହେବା ମାତ୍ରେ ଦର୍ଶକଙ୍କ ମନ ଜିତିବାରେ ଲାଗିଛି । ବର୍ତ୍ତମାନ ଏହି ଗୀତକୁ ଗତ 24 ଘଣ୍ଟା ମଧ୍ୟରେ 2 କୋଟିରୁ ଅଧିକ ଭ୍ୟୁ ଏବଂ 4ଲକ୍ଷରୁ ଅଧିକ ଲାଇକ ପାଇ ରେକର୍ଡ ସୃଷ୍ଟି କରିଛି ।
ଗତ 24 ଘଣ୍ଟା ମଧ୍ୟରେ ଫିଲ୍ମର ଏହି 'ଜୟ ଶ୍ରୀ ରାମ' ସର୍ବାଧିକ ଦେଖାଯାଇଥିବା ଭିଡିଓରେ ପରିଣତ ହୋଇଛି। ଏହି ଗୀତଟି ଅଜୟ-ଅତୁଲ ରଚନା କରିଛନ୍ତି । ଗୀତର ସଂଳାପ ମନୋଜ ମୁନ୍ତଶିର ଲେଖିଛନ୍ତି । ଏହି ଗୀତଟି ଲାଇଭ୍ ଅର୍କେଷ୍ଟ୍ରା ସହ ରିଲିଜ କରିଛି। ଗୀତ ରିଲିଜ ଅଜୟ-ଅତୁଲ କହିଥିଲେ ଯେ ଯେତେବେଳେ ସେମାନେ ଏହି ଗୀତ ଲଞ୍ଚ କରୁଥିଲେ ସେତେବେଳେ ସେମାନେ ଏକ ଯାଦୁ ଶକ୍ତି ଅନୁଭବ କରିଥିଲେ । ବର୍ତ୍ତମାନ ଏହି ଗୀତଟି ଗତ 24 ଘଣ୍ଟା ମଧ୍ୟରେ ୟୁଟ୍ୟୁବରେ ଅଧିକାଂଶ ଥର ଦେଖାଯାଇଛି । ପରିସଂଖ୍ୟାନ ଅନୁଯାୟୀ, ଏହି ଗୀତକୁ 2,62,91,237 ଭ୍ୟୁ ଏବଂ 4,84,186 ଲାଇକ୍ ମିଳିଛି । ଯାହା ଅକ୍ଷୟ କୁମାରଙ୍କ ଗୀତ 'କ୍ୟାୟା ଲୋଗ୍ ତୁମ୍ କୋ'କୁ ପଛରେ ପକାଇଛି । ତେବେ ଏବେ ଫିଲ୍ମ ଦେଖିବାକୁ ଫ୍ୟାନ୍ସ ଉତ୍ସାହର ସହ ଅପେକ୍ଷା କରି ରହିଛନ୍ତି ।