ଭୋଟ ଗଣତିକୁ ନିରପେକ୍ଷ କରିବା ପାଇଁ ପ୍ରଶାସନ ପ୍ରସ୍ତୁତ

ଭୋଟ ଗଣତି ପାଇଁ ପ୍ରଶାସନ ସମ୍ପୂର୍ଣ୍ଣ ପ୍ରସ୍ତୁତ । ଏଥିପାଇଁ ସମସ୍ତ ଜିଲ୍ଲାରେ ଗଣତି ପାଇଁ ଅଧିକାରୀଙ୍କୁ ଟ୍ରେନିଂ ଦିଆଯାଉଛି । ସେହିପରି କେନ୍ଦୁଝରରେ ମଧ୍ୟ ଜିଲ୍ଲାପାଳଙ୍କ ଦରବାରରେ ଟ୍ରେନିଂ ଆରମ୍ଭ କରାଯାଇଛି ।

କେନ୍ଦୁଝର: ଦେଶରେ ଆଉ ପାଞ୍ଚ ଦିନ ପରେ ସରିବ ସାଧାରଣ ନିର୍ବାଚନ ପକ୍ରିୟା । ଆସନ୍ତା ୨୩ ତାରିଖରେ 19 ନିର୍ଵାଚନର ଭୋଟ ଗଣତି ହୋଇ ଫଳାଫଳ ଘୋଷଣା କରାଯିବ । ଓଡ଼ିଶାରେ ଏକ ସଙ୍ଗେ ବିଧାନସଭା ଓ ଲୋକସଭା ନିର୍ବାଚନର ଭୋଟ ଗଣତି ହେବ ।

ଏଥିପାଇଁ ପ୍ରଶାସନ ପକ୍ଷରୁ ସମ୍ପୂର୍ଣ୍ଣ ପ୍ରସ୍ତୁତି ଆରମ୍ଭ ହୋଇଯାଇଛି । ରାଜ୍ୟରେ ଦୁଇ ଦିନ ଧରି ଜିଲ୍ଲାସ୍ତରୀୟ ଅଧିକାରୀଙ୍କୁ ଟ୍ରେନିଂ ଦିଆଯାଇଥିଲା । ଏବେ ସମସ୍ତ ଜିଲ୍ଲା ମୁଖ୍ୟାଳୟରେ ଟ୍ରେନିଂ ଆରମ୍ଭ କରାଯିବ ।

ତେବେ କେନ୍ଦୁଝର ଜିଲ୍ଲାପାଳଙ୍କ ଦରବାର ହଲ ଠାରେ ଭୋଟ ଗଣତିକୁ ମୁକ୍ତ ନିରପେକ୍ଷ କରିବା ପାଇଁ ଟ୍ରେନିଂ ଆରମ୍ଭ ପୂର୍ବରୁ ଏକ ଜିଲ୍ଲାର ସମସ୍ତ ଅଧିକାରୀଙ୍କୁ ନେଇ ଏକ ଓରିଏଣ୍ଟେସନ କରାଯିବା ସହ ଇଭିଏମ ଗଣତି ପାଇଁ ଟ୍ରେନିଂ ଦିଆଯାଇଛି ।

ତେବେ ଜିଲ୍ଲାର ସମସ୍ତ ଅଧିକାରୀ ଉପସ୍ଥିତ ରହି ଟ୍ରେନିଂ ନେବେ । ଗତକାଲି ଠାରୁ ଅର୍ଥାତ ମେ 16ରୁ ଭୋଟ ଗଣତିର ଟ୍ରେନିଂ ଆରମ୍ଭ କରାଯିବ । କେନ୍ଦୁଝର ଜିଲ୍ଲାରେ ତିନୋଟି ସବଜିଭିଜନରେ ଭୋଟ ଗଣତି ହେବ ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ