ମାଲାକାନଗିରି: ଶେଷ ହୋଇଛି ପ୍ରଥମ ପର୍ଯ୍ୟାୟ ନିର୍ବାଚନ । ମାଓ ପ୍ରବଣ ମାଲକାନଗିରି ଜିଲ୍ଲାରେ ମଧ୍ୟ ସୁରୁଖୁରୁରେ ଶେଷ ହୋଇଛି ନିର୍ବାଚନ । ଏସଓଜି(sog), ଡିଭିଏଫ(dvf) ଓ ବିଏସଏଫ(bsf) ଯବାନଙ୍କ କଡା ସୁରକ୍ଷା ବ୍ୟବସ୍ଥା ମଧ୍ୟରେ ପ୍ରଥମ ପର୍ଯ୍ୟାୟ ଭୋଟ ଗ୍ରହଣ କରାଯାଇଛି।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ମାଓ ପ୍ରବଣ ଅଞ୍ଚଳ ଉପରେ ତୀଖ୍ନ ନଜର ରଖିଥିଲା ବାୟୁସେନାର ଏକ ସ୍ବତନ୍ତ୍ର ହେଲିକ୍ୟାପ୍ଟର । ଚିତ୍ରକୋଣ୍ଡା ବିଚ୍ଛିନ୍ନାଞ୍ଚଳର ୯ଟି ବୁଥକୁ ପୋଲିଂ ପାର୍ଟି ନେଇ ଯାଇଥିଲା ଏହି ହେଲିକ୍ୟାପ୍ଟର ।
ତେବେ ନକ୍ସଲଙ୍କ ଧମକ ଯୋଗୁଁ ସେଠାରେ ଆଦୌ ମତଦାନ ହୋଇ ନଥିବା ବେଳେ ପୁଣି ସେମାନଙ୍କୁ ସୁରକ୍ଷିତ ଅବସ୍ଥାରେ ମାଲକାନଗିରି ଫେରାଇ ଆଣିଛନ୍ତି ବାୟୁସେନାର ଯବାନ । ଚିତ୍ରକୋଣ୍ଡା ନିର୍ବାଚନ ମଣ୍ଡଳିର କରାପାଲ୍ଲି ଗାଁ ଲୋକେ ମତଦାନ କେନ୍ଦ୍ରର ଦୂରତାକୁ ନେଇ ଭୋଟ ବର୍ଜନ କରିଥିବା ବେଳେ ତେମୁରୁପାଲ୍ଲି ପଞ୍ଚାୟତର ଲୋକେ ନକ୍ସଲ ଭୟରେ ଭୋଟ ଦେଇ ନଥିଲେ ।