କେନ୍ଦ୍ରାପଡ଼ା: ରାଜ୍ୟରେ ଜାରି ରହିଛି ଚତୁର୍ଥ ପର୍ଯ୍ୟାୟ ମତଦାନ । ଗତ ତିନୋଟି ପର୍ଯ୍ୟାୟ ଅପେକ୍ଷା ଚତୁର୍ଥ ପର୍ଯ୍ୟାୟ ନିର୍ବାଚନ ବେଶ ରୋଚକ ପୂର୍ଣ୍ଣ ହୋଇପଡିଛି । ଆଉ ଏବେ ସାରା ରାଜ୍ୟର ନଜର କେନ୍ଦ୍ରାପଡା ଲୋକସଭା ଆସନ ସହ ଏହା ଅଧିନସ୍ଥ ସମସ୍ତ ବିଧାନସଭା ଆସନ ଉପରେ ରହିଛି । କାରଣ କେନ୍ଦ୍ରାପଡା ସଂସଦୀୟ କ୍ଷେତ୍ରର ସମସ୍ତ ବିଧାନସଭା ଆସନ ଓ ଲୋକସଭା ଆସନ ଏବେ ଉଭୟ ବିଜେଡି ବିଜେପି ପାଇଁ ସମ୍ମାନର ପ୍ରଶ୍ନ ହୋଇପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ସେଥିମଧ୍ୟରୁ କେନ୍ଦ୍ରାପଡା ବିଧାନସଭାରୁ ଚଳିତ ନିର୍ବାଚନରେ ବିଜେପିରୁ ପ୍ରାର୍ଥୀ ହୋଇଛନ୍ତି ସୁନାକର ବେହେରା । ଆଜି ମତଦାନ ଚାଲିଥିବାବେଳେ ନିଜ ବିଜୟକୁ ନେଇ ବେଶ ଆଶାବାଦୀ ସୁନାକର । ସୁନାକର କହିଛନ୍ତି କେନ୍ଦ୍ରାପଡ଼ା ଜିଲ୍ଲାରେ ଦିନ ୧ଟା ସୁଦ୍ଧା ୫୧% ମତଦାନ ହୋଇଥିବାରୁ ଏହା ଗଣତନ୍ତ୍ର ପ୍ରତି ଅତ୍ୟନ୍ତ ଶୁଭଙ୍କର ଓ ଯାହା ପରିବର୍ତ୍ତନର ଆଭାସ ବୋଲି କହିଛନ୍ତି ।