କେନ୍ଦ୍ରାପଡା: ଆରମ୍ଭ ହୋଇଯାଇଛି ଶେଷ ସମର । ଚତୁର୍ଥ ପର୍ଯ୍ୟାୟ ମହାସଂଗ୍ରାମରେ 6 ଲୋକସଭା ଏବଂ 41 ବିଧାନସଭା କ୍ଷେତ୍ରରେ ପଡୁଛି ଭୋଟ । ତେବେ ସମସ୍ତଙ୍କ ନଜର କେନ୍ଦ୍ରାପଡାରେ କେନ୍ଦ୍ରୀଭୂତ ହୋଇଛି । ଚତୁର୍ଥ ପର୍ଯ୍ୟାୟ ଲଢେଇର ଏହି ହାଇପ୍ରୋଫାଇଲ ସିଟ୍ରେ ସ୍ବାଭିମାନ ବନାମ ସମ୍ମାନ ରକ୍ଷା ପାଇଁ ଚାଲିଛି ଆର ପାର ଲଢେଇ । ବିଜେପି ମୈଦାନକୁ ହେଭିୱେଟ ବୈଜୟନ୍ତ ପଣ୍ଡାଙ୍କୁ ଓହ୍ଲାଇଥିବାବେଳେ ତାକୁ ଚେକମେଣ୍ଟ ଦେବାକୁ ବିଜେଡି ସ୍ବତନ୍ତ୍ର ରଣନୀତି ସହିତ ଅଭିନେତାରୁ ନେତା ବନିଥିବା ଅନୁଭବଙ୍କୁ ପ୍ରାର୍ଥୀ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ଏଠାରେ କଡା ମୁକାବିଲା ଚାଲିଥିବାବେଳେ ସମଗ୍ର ଦେଶର ଫୋକସରେ ମଧ୍ୟ ରହିଛି ଏହି ସିଟ୍ । ତେବେ ଏହି ଆସନରେ ଭୋଟ ଗ୍ରହଣ ହେଉଥିବାବେଳେ ବିଜେପି ପ୍ରାର୍ଥୀ ବୈଜୟନ୍ତ ପଣ୍ଡା ପ୍ରତି ବ୍ଲକ ବୁଲି ମତଦାନ ପ୍ରକ୍ରିୟା ଅନୁଧ୍ୟାନ କରୁଛନ୍ତି ।