ପୁରୀ: ଆଜି ପୁରୀ ଆସୁଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା। ନେତାଙ୍କୁ ବଳ ସହ ବିଜେପିର ପ୍ରଚାର ଅଭିଯାନକୁ ଜୋରଦାର କରିବେ। ଶାହାଙ୍କ ଗସ୍ତକୁ ନେଇ ବିଜେପିରେ ଖୁସିର ମାହୋଲ ରହିଛି। ଏପଟେ ଶାହାଙ୍କ ଗସ୍ତକୁ ନେଇ ଟାର୍ଗେଟ କରିଛନ୍ତି କଂଗ୍ରେସର ପୁରୀ ଲୋକସଭା ପ୍ରାର୍ଥୀ ସତ୍ୟ ପ୍ରକାଶ ନାୟକ। ଏକ ସାମ୍ବାଦିକ ସମ୍ମିଳନୀରେ ଶାହା ପୁରୀ ବାସିନ୍ଦା ଓ ଜଗନ୍ନାଥ ପ୍ରେମୀଙ୍କୁ ଭୁଲ ମାଗନ୍ତୁ ବୋଲି ଦାବି କରିଛନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ମହାପ୍ରଭୁ ଜଗନ୍ନାଥଙ୍କ ଜମିକୁ ବେଦାନ୍ତ ଭଳି କମ୍ପାନୀକୁ ଦେବା ପାଇଁ ସୁପ୍ରିମକୋର୍ଟରେ କେନ୍ଦ୍ର ସରକାର ମତକୁ ନେଇ ସେ ବିଜେପିକୁ ସମାଲୋଚନା କରିଛନ୍ତି। ପୂର୍ବରୁ ରାଜ୍ୟରେ ବିଜେପି ସରକାରରେ ଥିବା ସମୟରେ ବିଜେପି ହାତରେ ଥିଲା ରାଜସ୍ବ ବିଭାଗ । ସେତେବେଳେ ଜଗନ୍ନାଥଙ୍କ ଜମିକୁ ବେଦାନ୍ତକୁ ଦେବା ନେଇ ଚୁକ୍ତି କରାଯାଇଥିଲା। ପରେ ଏ ନେଇ ବିଜେପି କ୍ଷମା ପ୍ରାର୍ଥନା କରିଥିଲା।