ବିଧାନସଭା ଭଙ୍ଗ ପାଇଁ କ୍ୟାବିନେଟର ସୁପାରିସ

ପଞ୍ଚଦଶ ବିଧାନସଭା ଭଙ୍ଗ ପାଇଁ ରାଜ୍ଯ କ୍ୟାବିନେଟ ମହାମହିମ ରାଜ୍ୟପାଳଙ୍କୁ ସୁପାରିଶ କରିଛନ୍ତି ।

ଭୁବନେଶ୍ବର: ଶେଷ ହେଲା ପଞ୍ଚଦଶ ବିଧାନସଭାର କାର୍ଯ୍ୟକାଳ। ଶନିବାର ସଚିବାଳୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶେଷ କ୍ୟାବିନେଟ ବୈଠକରେ ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରସ୍ତାବ ଆଗତ କରିଥିଲେ। ପରେ କ୍ୟାବିନେଟ ଏହାକୁ ମଞ୍ଜୁର ଦେବା ପରେ ପ୍ରସ୍ତାବକୁ ରାଜ୍ୟପାଳଙ୍କ ଅନୁମୋଦନ ପାଇଁ ପଠାଇଦିଆଯାଇଛି।

ସମ୍ବିଧାନିକ ନିୟମ ଅନୁସାରେ ନିର୍ବାଚନ ସରିବାପରେ ଏବଂ ଭୋଟ ଗଣତି ପୂର୍ବରୁ ଚାଲିଥିବା ସରକାର ଭଙ୍ଗ କରାଯାଇଥାଏ। ପରେ ଯେଉଁ ଦଳ ନିର୍ବାଚନରେ ବିଜୟୀ ହେବ ସେହିଦଳ ପରବର୍ତ୍ତୀ ନୂତନ ସରକାର ଗଠନ କରିବ। ସୂଚନାଯୋଗ୍ୟ ପଞ୍ଚଦଶ ବିଧାନସଭାରେ ସରକାର ଗଠନ କରିଥିବା ବିଜେଡି ଗତ 2014 ମେ 25ରେ ରାଜ୍ୟ ଶାସନତନ୍ତ୍ରର ପରିଚାଳନା ଭାର ହାତକୁ ନେଇଥିଲା ।

ଭୁବନେଶ୍ବରରୁ ତପନ ଦାଶ, ଇଟିିଭି ଭାରତ