ଭଦ୍ରକ: ଭଦ୍ରକ ବିଧାନସଭା ନିର୍ବାଚନ ମଣ୍ଡଳୀରେ ପ୍ରଫୁଲ୍ଲ ସାମଲଙ୍କ ନାମାଙ୍କନ ପତ୍ର ଦାଖଲ । 2019 ବିଧାନସଭା ନିର୍ବାଚନ ପାଇଁ ଭଦ୍ରକ ଜିଲ୍ଲା ଭଣ୍ଡାରିପୋଖରୀ ବିଧାନସଭା ନିର୍ବାଚନ ମଣ୍ଡଳୀର ବିଜେଡି ପ୍ରାର୍ଥୀ ଭାବେ ସେ ନାମାଙ୍କନ ପତ୍ର ଦାଖଲ କରିଛନ୍ତି। ଏହି ବିଧାନସଭା ନିର୍ବାଚନ ମଣ୍ଡଳୀର ରିଟର୍ଣ୍ଣିଙ୍ଗ୍ ଅଧିକାରୀ ଉପଜିଲ୍ଲାପାଳ ପିତାମ୍ବର ସାମଲଙ୍କ ନିକଟରେ ପ୍ରଫୁଲ୍ଲ ତାଙ୍କର ନାମାଙ୍କନ ପତ୍ର ଦାଖଲ କରିଛନ୍ତି। ଭଦ୍ରକ ଜିଲ୍ଲା ଅନ୍ତର୍ଗତ 43 ନମ୍ବର ବିଧାନସଭା ନିର୍ବାଚନ ମଣ୍ଡଳୀ ଭଣ୍ଡାରିପୋଖରୀରୁ ସେ ତୃତୀୟ ଥର ପାଇଁ ବିଜୁଜନତା ଦଳ ପକ୍ଷରୁ ପ୍ରାର୍ଥୀ ଭାବେ ହ୍ୟାଟ୍ରିକ କରିବା ଲକ୍ଷ୍ୟ ରଖିଛନ୍ତି।
ଏନେଇ ସେ ଗୁରୁବାର ହଜାର ହଜାର ସମର୍ଥକଙ୍କ ସହ ଏକ ଶୋଭାଯାତ୍ରାରେ ଆସି ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ପ୍ରାର୍ଥୀ ପତ୍ର ଦାଖଲ କରିଥିଲେ। ତେବେ ସେ ଏଥର ନିଶ୍ଚୟ ଜୟଯୁକ୍ତ ହେବେ ବୋଲି ପ୍ରକାଶ କରିଛନ୍ତି । ଏଥିସହ ଭଦ୍ରକ ଜିଲ୍ଲାର ସମସ୍ତ ଆସନରେ ବିଜେଡି ବାଜିମାତ କରିବ ବୋଲି ମଧ୍ୟ ସେ କହିଛନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ