ନୟାଗଡ: 3ୟ ପର୍ଯ୍ୟାୟ ନିର୍ବାଚନ ପାଇଁ ନାମାଙ୍କନ ଭରିଲେ 2 ହେଭିୱେଟ ବିଜେଡି ନେତା। ନୟାଗଡ ବିଧାନସଭା ଆସନ ପାଇଁ ବିଜେଡିରୁ ନାମାଙ୍କନ ଭରିଛନ୍ତି ଅରୁଣ କୁମାର ସାହୁ । ସେହିପରି ଖଣ୍ଡପଡା ବିଧାନସଭା ଆସନପାଇଁ ରାଜ୍ୟସଭା ସାଂସଦ ସୈାମ୍ୟରଞ୍ଜନ ପଟ୍ଟନାୟକ ମଧ୍ୟ ନାମାଙ୍କନ ଦାଖଲ କରିଛନ୍ତି ।
ବିଜେଡିର 2ନେତା ହଜାର ହଜାର କର୍ମି ଓ ନେତାଙ୍କ ସହ ରୋଡ ଶୋ'ରେ ଆସି ନୟାଗଡ ଜିଲ୍ଲାପାଳଙ୍କ ଅଫିସରେ ନାମାଙ୍କନ ଦାଖଲ କରିଛନ୍ତି । ସେମାନଙ୍କ ସହ ଗୟାଧର ପରିଡା, ରବିନାରାୟଣ ମହାପାତ୍ର ପ୍ରମୁଖ ସାମିଲ ଥିଲେ ।
ଅନ୍ୟପଟେ ଖଣ୍ଡପଡା ଆସନରୁ ବିଧାୟକ ପଦପାଇଁ ବିଜେଡି ଟିକେଟ ସୈାମ୍ୟରଞ୍ଜନ ପଟ୍ଟନାୟ ଦେବା ପରେ ଖଣ୍ଡପଡା ବିଧାୟକ ଅନୁଭବ ପଟ୍ଟନାୟକ ସ୍ବାଧୀନରୁ ଲଢିବେ ବୋଲି ହେଉଥିବା ଚର୍ଚ୍ଚାର ଆଜି ଅନ୍ତ ହୋଇଛି ।
ସୌମ୍ୟଙ୍କ ନାମାଙ୍କନ ଦାଖଲ ବେଳେ ଖଣ୍ଡପଡା ବିଧାୟକ ଅନୁଭବ ପଟ୍ଟନାୟକ ମଧ୍ୟ ସେଠାରେ ଉପସ୍ଥିତ ଥିବା ଦେଖିବାକୁ ମିଳିଛି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ