କଳାହାଣ୍ଡି: ସରିଲା ପ୍ରଥମ ପର୍ଯ୍ଯାୟ ନିର୍ବାଚନ। ଇଭିଏମରେ ସିଲ ହେଲା ପ୍ରାର୍ଥୀଙ୍କ ଭାଗ୍ୟ। ଗୁରୁବାର ରାଜ୍ୟର 4 ଟି ଲୋକସଭା ଓ 28 ବିଧାନସଭା ଆସନ ପାଇଁ ଲଢେଇ ଚାଲିଥିବା ବେଳେ କଳାହାଣ୍ଡି ସଂସଦୀୟ ଓ ବିଧାନସଭା କ୍ଷେତ୍ରରେ ହୋଇଥିବା ମତଦାନ ସୁରୁଖୁରୁରେ ଶେଷ ହୋଇଛି। ସମସ୍ତ ବୁଥରେ ଶାନ୍ତି ଶୃଙ୍ଖଳାର ସହ ମତଦାନ ହୋଇଥିବା ବେଳେ ଭିଡ ଥିବା ସ୍ଥାନ ମାନଙ୍କରେ ଧାର୍ଯ୍ଯ ହୋଇଥିବା ସମୟ ପରେ ବି ଭୋଟିଂ ଜାରି ରହିଥିଲା।
ଭିଡିଓ ସୌଜନ୍ୟ- ସମ୍ବାଦଦାତା, କଳାହାଣ୍ଡି
ତେବେ ଜିଲ୍ଲାର ଥିବା ସମସ୍ତ ନିର୍ବାଚନ ମଣ୍ଡଳୀରେ ଭୋଟ ଦାନ ହୋଇଥିବା ବେଳେ କେବଳ ଜୟପାଟଣା ବୁଥରେ ଭୋଟ ବର୍ଜନ କରିଥିଲେ ସ୍ଥାନୀୟ ଲୋକେ। ସ୍ଥାନୀୟ ସମସ୍ୟା ନେଇ ଏହି ଅଞ୍ଚଳରେ ଭୋଟ ବର୍ଜନ ହୋଇଥିବା ଜଣାପଡିଛି। ତେବେ ପୂର୍ବାହ୍ନ 3 ଟା ସୁଦ୍ଧା 69 ପ୍ରତିଶତ ଭୋଟିଂ ହୋଇଥିଲା। ମତଦାନ ପ୍ରତିଶତ 75 ପ୍ରତିଶତ ଟପିଥିବା ସୂଚନା ରହିଛି।