ଯାଜପୁର: ଆଉ ଦିନ କେଇଟା ପରେ ଗଣତନ୍ତ୍ରର ବଡପର୍ବ ସାଧାରଣ ନିର୍ବାଚନ। ନିର୍ବାଚନକୁ ନେଇ ଚାରିଆଡେ ସରଗରମ ମାହୋଲ । ପ୍ରଥମ, ଦ୍ବିତୀୟ, ତୃତୀୟ ପରେ ଏବେ ଚତୁର୍ଥ ପର୍ଯ୍ୟାୟ ନିର୍ବାଚନ ପାଇଁ ନାମାଙ୍କନ ଚାଲିଛି। ଯାଜପୁର ଜିଲ୍ଲାରେ ଗତ 4 ଦିନ ମଧ୍ୟରେ ଲୋକସଭା, ବିଧାନସଭା ପାଇଁ 18 ଜଣ ପ୍ରାର୍ଥୀ ନାମାଙ୍କନ ଦାଖଲ କରିଛନ୍ତି। ଗତ 2 ତାରିଖରୁ ଆରମ୍ଭ ହୋଇଥିବା ନାମାଙ୍କନ ଆସନ୍ତା 9 ତାରିଖ ପର୍ଯ୍ୟନ୍ତ ଚାଲିବ।
ତେବେ ନାମାଙ୍କନକୁ ନେଇ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତ କରାଯାଇଛି। ନାମାଙ୍କନ ଦାଖଲ ସୁଚାରୁ ରୂପେ ପରିଚାଳନା ପାଇଁ 8ଟି ଟିମ୍ ଗଠନ କରାଯାଇଛି। ସହକାରୀ ଖର୍ଚ୍ଚ ତଦାରଖ ପାଇଁ ପର୍ଯ୍ୟବେକ୍ଷକ , ଆକାଉଣ୍ଟାଣ୍ଟଟିମ , ଷ୍ଟାଟିକ୍ ସର୍ଭିଲାନ୍ସ ,ଭିଡ଼ିଓ ସର୍ଭିଲାନ୍ସ ଟିମ ଓ ଫ୍ଲାଇଙ୍ଗ ସ୍କାର୍ଡ ଟିମ ଗଠନ କରାଯାଇଛି। ଏଥିସହ ଆଇନ ଶୃଙ୍ଖଳା ଦୃଷ୍ଟିରେ ରଖି ଜିଲ୍ଲାର ବିଭିନ୍ନ ସ୍ଥାନରେ ପୋଲିସ ମୂତୟନ କରାଯାଇଥିବା ନେଇ କହିଛନ୍ତି ଜିଲ୍ଲାପାଳ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ