ବ୍ରହ୍ମପୁର: ଗଞ୍ଜାମ ଜିଲ୍ଲା କୋଦଳା ଥାନା କାଲିମେଘି ପଞ୍ଚାୟତରେ ବିଭତ୍ସ ହତ୍ୟାକାଣ୍ଡ । ସଙ୍ଘବଦ୍ଧ ଆକ୍ରମଣରେ ଟୁଟୁ ନାୟକ ନାମକ ଜଣେ ଯୁବକର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଟୁଟୁଙ୍କୁ 8 ରୁ 10 ଜଣ ଯୁବକ ମିଳିତ ଭାବରେ ବିଚ୍ ରାସ୍ତାରେ ହତ୍ୟା କରି ଫେରାର ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି ।
ମୃତ ଯୁବକଙ୍କ ଘର ନିତ୍ୟାନନ୍ଦପୁର କଲୋନୀରେ ବୋଲି ଜଣାପଡିଛି । ସୂଚନାନୁଯାୟୀ, ସୋମବାର ରାତିରେ ଟୁଟୁ ନାୟକଙ୍କ ଲଛିପୁର ଗ୍ରାମର ଘରକୁ ଜିତୁ ନାମକ ଜଣେ ଯୁବକ ଓ ତାର 8 ରୁ 10 ଜଣ ସାଙ୍ଗ ଆସିଥିଲେ । ସେମାନେ ଟୁଟୁ ସମେତ ତାଙ୍କର ପତ୍ନୀଙ୍କୁ ମଧ୍ୟ ମାଡ ମାରିଥିଲେ ।