ସମ୍ବଲପୁର: ସମ୍ବଲପୁର ବୁର୍ଲା ଭୀମସାର ମେଡିକାଲ କଲେଜ(Veer Surendra Sai Institute Of Medical Sciences And Research) ରେ ଡାକ୍ତରୀ ଛାତ୍ରଛାତ୍ରୀଙ୍କ କରୋନା ସଂକ୍ରମଣ ସଂଖ୍ୟା ଆଜି 74 ରେ ପହଞ୍ଚିଛି । ଗତକଲି (ସୋମବାର) ପର୍ଯ୍ୟନ୍ତ ସଂକ୍ରମିତ ଙ୍କ ସଂଖ୍ୟା 64 ଥିବା ବେଳେ ଆଜି (ମଙ୍ଗଳବାର) ଆହୁରି 10 ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ଏହି 10 ଜଣ ମଧ୍ୟରେ ଜଣେ ଭୀମସାରର କର୍ମଚାରୀ ମଧ୍ୟ ଅଛନ୍ତି।
Vssimsar Covid Situations; ବଢୁଛି ସଂକ୍ରମଣ,ସମସ୍ତ ସଂକ୍ରମିତ ଲକ୍ଷଣହୀନ
ଏନେଇ ମେଡିକାଲ କଲେଜର ଡିନ ପ୍ରଫେସର ଜୟଶ୍ରୀ ଦୋରା (VIMSAR Dean Professor Jayashree Dora )ସୂଚନା ଦେଇଛନ୍ତି। ତେବେ କାହାରି ପାଖରେ କୋଭିଡର ଲକ୍ଷଣ ନାହିଁ । ସମସ୍ତଙ୍କ ସ୍ଵାସ୍ଥ୍ୟବସ୍ଥା ସ୍ଥିର ରହିଛି ବୋଲି ଡିନ ସୂଚନା ଦେଇଛନ୍ତି। ଅନ୍ୟପଟେ ସମସ୍ତଙ୍କୁ କୋଭିଡ ହସ୍ପିଟାଲରେ ଆଇସୋଲେସନ ରେ ରଖାଯାଇଛି।