ସମ୍ବଲପୁର: ସମ୍ବଲପୁର ବିଶ୍ବବିଦ୍ୟାଳୟରେ ପ୍ରଶ୍ନପତ୍ର ଲିକ୍ । ଜରୁରୀକାଳୀନ ବୈଠକ ଡାକି ପ୍ରଶ୍ନପତ୍ରର ସେଟ ବଦଳାଇଲେ ବିଶ୍ବବିଦ୍ୟାଳୟ କର୍ତ୍ତୃପକ୍ଷ । ଯୁକ୍ତ 3 ବିଜ୍ଞାନ ତୃତୀୟ ସେମିଷ୍ଟାରର 2ଟି ବିଷୟର ପ୍ରଶ୍ନପତ୍ର ହୋଇଥିଲା ଲିକ୍ ।
ସମ୍ବଲପୁର ବିଶ୍ବବିଦ୍ୟାଳୟରେ ପ୍ରଶ୍ନପତ୍ର ଲିକ୍, ଜରୁରୀକାଳୀନ ବୈଠକ ଡାକି ସେଟ ବଦଳାଇଲେ କର୍ତ୍ତୃପକ୍ଷ
ବିଶ୍ବବିଦ୍ୟାଳୟ ଅଧୀନରେ ହେଉଥିବା ଯୁକ୍ତ 3 ବିଜ୍ଞାନର 3ୟ ସେମିଷ୍ଟାରର 2ଟି ବିଷୟର ପ୍ରଶ୍ନପତ୍ର ଆଗୁଆ ଲିକ ହୋଇଥିବା ଜଣାପଡିଥିଲା । ବୁଧବାର ବିଳମ୍ବିତ ରାତିରେ କେମିଷ୍ଟ୍ରି ଓ ଜୁଲୋଜିର ପ୍ରଶ୍ନପତ୍ର ଲିକ ହୋଇଥିବା ଜଣାପଡିଥିଲା। ଏହି ଖବର ପାଇ ସମ୍ବଲପୁର ବିଶ୍ବ ବିଦ୍ୟାଳୟର ପରୀକ୍ଷା ନିୟନ୍ତ୍ରକ ସୂର୍ଯ୍ୟ ନାରାୟଣ ନାୟକ ଏହାର ତୁରନ୍ତ ତଦନ୍ତ ପାଇଁ ବିଭିନ୍ନ ସନ୍ଦେହଜନକ କଲେଜକୁ ସ୍କ୍ବାର୍ଡ ପଠାଇଥିଲେ।