ସମ୍ବଲପୁର: ଚାଷୀଙ୍କ ବିଭିନ୍ନ ସମସ୍ୟାକୁ ନେଇ ଆଜି(ସୋମବାର) ସମ୍ବଲପୁରରେ ରାଜ୍ୟ ଯୁବ କଂଗ୍ରେସ ଆନ୍ଦୋଳନ କରିଛି । କଂଗ୍ରେସ ସଭାପତି ସ୍ମୃତି ରଞ୍ଜନ ଲେଙ୍କାଙ୍କ ନେତୃତ୍ବରେ ଦଳୀୟ କର୍ମୀମାନେ କଂଗ୍ରେସ ଅଫିସରୁ ବାହାରି ଆରଡିସି ଅଫିସ ଘେରାଉ କରିଥିଲେ ।
ଚାଷୀ ସମସ୍ୟା, RDC ଅଫିସ ଘେରାଉ କଲା କଂଗ୍ରେସ
ଚାଷୀଙ୍କ ବିଭିନ୍ନ ସମସ୍ୟା ନେଇ ରାଜରାସ୍ତାକୁ ଓହ୍ଲାଇଛି କଂଗ୍ରେସ । ଚାଷୀଙ୍କ ସମସ୍ୟା ନେଇ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ଉପରେ ଟାର୍ଗେଟ କରିଛନ୍ତି କଂଗ୍ରେସ କର୍ମୀ । ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ତ୍ରୁଟିପୂର୍ଣ୍ଣ କୃଷିନୀତି ଯୋଗୁଁ ଆଜି ଚାଷୀର ଧାନ ମଣ୍ଡିରେ ପଡି ରହିଛି ବୋଲି କଂଗ୍ରେସ ଅଭିଯୋଗ କରିଛି । କୃଷକଙ୍କ ଏହି ସବୁ ସମସ୍ୟା ନେଇ କଂଗ୍ରେସ କାର୍ଯ୍ୟକର୍ତ୍ତାମାନେ ଜିଲ୍ଲା କଂଗ୍ରେସ ଅଫିସରୁ ଏକ ଶୋଭାଯାତ୍ରାରେ ବାହାରି କେନ୍ଦ୍ର ଓ ରାଜ୍ୟ ବିରୋଧୀ ନାରା ଦେବା ସହ ସମ୍ବଲପୁର ଆରଡିସିଙ୍କ ଅଫିସ ପର୍ଯ୍ୟନ୍ତ ଆସିଥିଲେ ।