ଦେବଶିଳ୍ପୀଙ୍କ ଆଗମନରେ ଚଳଚଞ୍ଚଳ ଇସ୍ପାତ ନଗରୀ

ଦେବଶିଳ୍ପୀ ପ୍ରଭୁ ବିଶ୍ବାକର୍ମାଙ୍କ ପୂଜା ଧୂମଧାମରେ ପାଳିଛି ଇସ୍ପାତ ନଗରୀ ରାଉରକେଲା । ରାଉରକେଲା ଇସ୍ପାତ କାରଖାନା ସମେତ ସହରର ବିଭିନ୍ନ ସ୍ଥାନରେ ହୋଇଥିଲା ପୂଜାର୍ଚ୍ଚନା ।

ରାଉରକେଲା: ଇସ୍ପାତ ନଗରୀ ରାଉରକେଲା ବିଶ୍ବକର୍ମା ପୂଜାକୁ ନେଇ ଉତ୍ସବମୁଖର ହୋଇ ଉଠିଛି। ରାଉରକେଲା ଇସ୍ପାତ କାରଖାନା ସହିତ କାରଖାନା ବାହାରେ ବନ୍ଧମୁଣ୍ଡା ତଥା ସହରର ଅନେକ ସ୍ଥାନରେ ମଙ୍ଗଳବାର ସକାଳୁ ପୂଜାର୍ଚ୍ଚନା ହୋଇଥିଲା ।

କଳକାରଖାନା ସହିତ ଖଣି ଖାଦାନ ତଥା ଟ୍ରାନ୍ସପୋର୍ଟ ଓ ରେଳର ବିଭିନ୍ନ କର୍ମଶାଳାରେ ଦେବଶିଳ୍ପୀ ବିଶ୍ବକର୍ମାଙ୍କ ପୂଜାର୍ଚ୍ଚନା କରାଯାଇଥିଲା । ଏହାସହ ପୂଜା ଦେଖିବା ପାଇଁ ଲୋକଙ୍କ ଭିଡ଼ ଜମିଥିଲା ବିଭିନ୍ନ ପୂଜା ମଣ୍ଡପରେ । ବସଷ୍ଟାଣ୍ଡ, ଅଟୋ ଷ୍ଟାଣ୍ଡରେ ମଧ୍ୟ ପୂଜା କରାଯାଇଥିଲା। ବିଶ୍ବକର୍ମା ପୂଜା ଅବସରରେ ସହର ଚଳଚଞ୍ଚଳ ହେବା ସହ ବିଭିନ୍ନ ସ୍ଥାନରେ ମେଳା ଓ ମୀନା ବଜାରର ଆୟୋଜନ ହୋଇଛି ।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ