ରାଉରକେଲା: ଏସି କୋଚରେ ଟିକଟ କରି ବିନା ଏସିରେ ଯାତ୍ରା କରୁଛନ୍ତି ଯାତ୍ରୀ । ରେଳ ଯାତ୍ରୀଙ୍କ ପାଇଁ ଅଧିକ ସୁବିଧା ଦାବି ହୋଇଛି । ହେଲେ କିଛି ଦିନ ମଧ୍ୟରେ ସାଉଥ ବିହାର ଏକ୍ସପ୍ରେସ, ତପସ୍ୱିନୀ ଏକ୍ସପ୍ରେସ ସହିତ ବିଭିନ୍ନ ଟ୍ରେନରେ ଏସି କାମ ନ କରିବା ଯୋଗୁଁ ଯାତ୍ରୀ ମାନଙ୍କ ଦ୍ୱାରା ଟ୍ରେନ ଅଟକାଇ ହୋ ହାଲ୍ଲା କରିବା ଏକ ସାଧାରଣ ଘଟଣା ପାଲଟିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ସୂଚନାନୂଯାୟୀ, ରବିବାର ବିଳମ୍ବରେ ଚାଲୁଥିବା ଦୁର୍ଗ-ରାଜେନ୍ଦ୍ରନଗର ଏକ୍ସପ୍ରେସର ଏ-2 କୋଚର ଏସି କାମ କରୁନଥିଲା। ଏନେଇ ଯାତ୍ରୀ ମାନେ ରାଉରକେଲା ପହଞ୍ଚିବା ପରେ ହଙ୍ଗମା କରିଥିଲେ । ଯାହାକୁ ନେଇ ଏକ ଘଣ୍ଟା ଧରି ଷ୍ଟେସନରେ ଟ୍ରେନ ଅଟକ ରହିଥିଲା। ଯାତ୍ରୀ ମାନଙ୍କ କହିବାନୂଯାୟୀ, ସେମାନେ ଏସିର ଭଡା ଦେଇ ମଧ୍ୟ ଗରମରେ ଯାତ୍ରା କରିବା ପାଇଁ ବାଧ୍ୟ ହେଉଛନ୍ତି।