ଆଜବେଷ୍ଟସ ଭାଙ୍ଗି ମଦ ଦୋକାନରୁ ଚୋରି, ତଦନ୍ତ ଆରମ୍ଭ

ଆଜବେଷ୍ଟସ ଭାଙ୍ଗି ମଦ ଦୋକାନରୁ ଚୋରୀ । ପୋଲିସର ତଦନ୍ତ ଆରମ୍ଭ । ଅଧିକ ପଢନ୍ତୁ...

ରାଉରକେଲା :ସାରା ଦେଶରେ ଜାରି ରହିଛି ଲକ ଡାଉନ । ରାଉରକେଲାର ନୟାବଜାର ଅଞ୍ଚଳରୁ ସିଲ ହୋଇ ଥିବା ମଦ ଦୋକାନରୁ ଚୋରି ହୋଇଥିବା ଅଭିଯୋଗ ହୋଇଛି । କିଛି ଦୁର୍ବୃତ୍ତ ମଦ ଦୋକାନର ଆଜବେଷ୍ଟସ ଭାଙ୍ଗି ମଦ ଚୋରି କରିଛନ୍ତି । ଖବର ପାଇଁ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

କେତେ ପରିମାଣର ମଦ ଚୋରି ହୋଇଛି ତାହା ତଦନ୍ତ ପରେ ଜଣାପଡିବ । ତେବେ ଏଠି ପ୍ରଶ୍ନ ଉଠୁଛି ଲକ ଡାଉନ ସମୟରେ ପୋଲିସ ବିଭିନ୍ନ ସ୍ଥାନରେ ନିୟୋଜିତ ହୋଇଥିବା ସତ୍ତ୍ବେ କିଭଳି ଚୋରି ସମ୍ଭବପର ହେଲା ତାହାକୁ ନେଇ ସାଧାରଣରେ ଚର୍ଚ୍ଚା ଜୋର ଧରିଛି ।

ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ