ରାଉରକେଲା: ସୁନ୍ଦରଗଡ଼ ଜିଲ୍ଲା ରଘୁନାଥପାଲ୍ଲୀ ଆସନ ଲାଗି ବର୍ତ୍ତମାନର ବିଧାୟକ ତଥା ପୂର୍ବତନ ମନ୍ତ୍ରୀ ସୁବ୍ରତ ତରାଇଙ୍କୁ ପୁଣିଥରେ ପ୍ରାର୍ଥୀ କରିଛି ବିଜେଡି । ସେ ଆଜି ରାଉରକେଲା ପହଞ୍ଚିବା ପରେ ବିଜୁ ପଟ୍ଟନାୟକ ଛକ ଠାରେ ତାଙ୍କୁ ସମର୍ଥକ ମାନେ ଭବ୍ୟ ସ୍ବାଗତ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ଏଠାରେ ପହଞ୍ଚିବା ପରେ ସେ ପ୍ରଥମେ ବିଜୁ ବାବୁଙ୍କ ପ୍ରତିମାରେ ମାଲ୍ୟାର୍ପଣ କରିଥିଲେ । ଏହି ଅବସରରେ ସମର୍ଥକ ମାନେ ଉତ୍ସାହିତ ହୋଇ ତାଙ୍କୁ ବିପୁଳ ସ୍ବାଗତ କରିଛନ୍ତି । ସୂଚନାଯୋଗ୍ୟ, ରଘୁନାଥପାଲ୍ଲୀ ଅଞ୍ଚଳରେ ଚଳିତ ଥର ସୁବ୍ରତ ତରାଇଙ୍କ ପ୍ରାର୍ଥୀତ୍ବକୁ ବିରୋଧ କରାଯାଇଥିଲା । ତେବେ ସୁପ୍ରିମୋ ତାଙ୍କ ଉପରେ ଆସ୍ଥା ପ୍ରକଟ କରି ପୁଣିଥରେ ଟିକେଟ ଦେଇଛନ୍ତି ।