ଜୁଆଆଡ୍ଡାରେ ଚଢାଉ, କିଙ୍ଗପିନ ଗିରଫ

ଉଦିତନଗର ଥାନା ପୋଲିସ ହାତରେ ଧରାପଡିଲା ଜୁଆଡି କିଙ୍ଗପିନ ଉମା ସିଂ । ଏବେ ଆକ୍ସନ ମୁଡରେ ପୋଲିସ ରାଉରକେଲାର ଅନେକ ସ୍ଥାନରେ କରୁଛି ଚଢାଉ ।

ରାଉରକେଲା: ରାଉରକେଲା ଉଦିତନଗର ଥାନା ପୋଲିସ ବାସନ୍ତୀ ନଗର ଅଞ୍ଚଳରେ ଜୁଆଆଡ୍ଡାରେ ଚଢ଼ାଉ କରି କିଙ୍ଗପିନ ଉମା ସିଂ ସମେତ 5 ଜଣ ଜୁଆଡିଙ୍କୁ ଗିରଫ କରିଛି ସ୍ଥାନୀୟ ପୋଲିସ । ସେମାନଙ୍କ ଠାରୁ ନଗଦ 4 ଲକ୍ଷ 17 ହଜାର ଟଙ୍କା , ସଟ୍ଟା ଖେଳ ଲାଗି ବ୍ୟବହୃତ କାଗଜପତ୍ର ଜବତ କରିଛି ପୋଲିସ ।

ଏହି ଜୁଆଡି ମାନେ କୋଲକତା , ମୁମ୍ବାଇରେ ନେଟୱର୍କ ବିଛାଇ ବେପାର ଚଳାଇ ଆସୁଛନ୍ତି । ପୋଲିସ ଏହି ବେପାରରେ ଲିପ୍ତ ଅନ୍ୟ ମାନଙ୍କୁ ଧରିବାକୁ ବିଭିନ୍ନ ସ୍ଥାନରେ ଚଢ଼ାଉ କରୁଛି ।

ସହର ସହିତ ଆଖପାଖ ଅଞ୍ଚଳରେ ଜୁଆଡି ତାଙ୍କ ଏଜେଣ୍ଟ ମାନଙ୍କ ମାଧ୍ୟମରେ ପୁରା କବ୍ଜା କରି ରଖିଛନ୍ତି। ଏହିଭଳି ପରିସ୍ଥିତିରେ ପୋଲିସ ଲଗାତାର ଚଢାଉ ଜାରି ରଖିଲେ ଏହି ଜୁଆଡିଙ୍କ ମନରେ ଭୟ ରହିବା ସହ ଆଗାମୀ ଭବିଷ୍ୟତରେ ଅନ୍ୟ ଜୁଆଡିଙ୍କୁ ସହଜରେ ଗିରଫ କରିପାରିବ ପୋଲିସ ।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇ ଟିଭି ଭାରତ