ରାଉରକେଲା :ଦୀର୍ଘ ବର୍ଷେ ପରେ ଘରକୁ ଫେରିବ ନିଖୋଜ ଝିଅ । କଥାଟି ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ । ଏଭଳି ଘଟଣା ଦେଖିବାକୁ ମିଳିଛି ସୁନ୍ଦରଗଡ଼ ଜିଲ୍ଲା ଲାଠିକଟା ବ୍ଲକ ଚାନ୍ଦିପୋଷ ଥାନା ଅନ୍ତର୍ଗତ ଚମ୍ପାଝରଣରେ । ମଙ୍ଗୁଳା ସିଂଙ୍କ ଝିଅ ଗତ ବର୍ଷ ନିଖୋଜ ହୋଇଯାଇଥିଲେ । ପରିବାର ଲୋକେ ଖୋଜାଖୋଜି କରି ଥିଲେ ମଧ୍ୟ ଝିଅର ପତ୍ତା ପାଇନଥିଲେ ।
ହେଲେ ଗତ କିଛି ଦିନ ପୂର୍ବେ ଘର ଲୋକେ ଝିଅର ମୃତ୍ୟୁ ଖବର ପାଇଥିଲେ । ଏପରିକି ଅନ୍ତିମ ସଂସ୍କାର ପାଇଁ ମଧ୍ୟ କରିବାକୁ ପ୍ରସ୍ତୁତ ହେଉଥିବା ବେଳେ ଗାଁରେ ପହଞ୍ଚି ଥିଲା ପୋଲିସ । ନାବାଳିକା ଜୀବିତ ଥିବା ସହ ଖୋର୍ଦ୍ଧା ଶିଶୁ ମଙ୍ଗଳ ସମିତି ହେପାଜତରେ ଥିବା ପରିବାର ଲୋକଙ୍କୁ ପୋଲିସ ସୂଚନା ଦେଇଥିଲା । ତେବେ, ଗୁରୁବାର ଦିନ ଖୋର୍ଦ୍ଧା ଶିଶୁ ମଙ୍ଗଳ ସମିତି ନାବାଳିକାକୁ ଉଦ୍ଧାର କରିବା ସହ ସୁନ୍ଦରଗଡ ଶିଶୁ ମଙ୍ଗଳ ସମିତିର ଅଧ୍ୟକ୍ଷଙ୍କୁ ଖବର ଦେଇଥିଲେ । ତେବେ, ଝିଅର ଫେରିବା ବାଟକୁ ଚାହିଁ ବସିଛନ୍ତି ପରିବାର ଲୋକେ ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ