ଆଜବେଷ୍ଟସ ଭାଙ୍ଗି ଲୁଟୁଥିଲେ ଦାମୀ ଜିନିଷ, ବାନ୍ଧିଲା ରାଉରକେଲା ପୋଲିସ

ସୋମବାର ରାଉରକେଲା ସେକ୍ଟର 15 ପୋଲିସ ଏକ ଲୁଟେରା ଗ୍ୟାଙ୍ଗକୁ ଧରିବା ସହ ସେମାନଙ୍କ ପାଖରୁ  ଏକ କାର, ଏକ କଳା ପଲସର, 2 ଏଲଇଡି ଟିଭି, କ୍ୟାମେରା, 7ଟି ମୋବାଇଲ  ଏବଂ ଏକ ଲୁହା  ରଡ୍  ଜବତ କରିଛି ।

ରାଉରକେଲା: ଏକ ଲୁଟେରା ଗ୍ୟାଙ୍ଗକୁ ଗିରଫ କଲା ରାଉରକେଲା ସେକ୍ଟର 15 ପୋଲିସ । ସୋମବାର ରାଉରକେଲା ସେକ୍ଟର 15 ପୋଲିସ ଏକ ଲୁଟେରା ଗ୍ୟାଙ୍ଗକୁ ଧରିବା ସହ ସେମାନଙ୍କ ପାଖରୁ ଏକ କାର, ଏକ କଳା ପଲସର, 2 ଏଲଇଡି ଟିଭି, କ୍ୟାମେରା, 7ଟି ମୋବାଇଲ ଏବଂ ଏକ ଲୁହା ରଡ୍ ଜବତ କରିଛି । ଗିରଫ ହୋଇଥିବା ଅଭିଯୁକ୍ତମାନେ ହେଲେ ରାହୁଲ ରାୟ, ବିରଭଦ୍ର ପଟ୍ଟନାୟକ ଏବଂ ଚନ୍ଦ୍ରକାନ୍ତ ପାଣି ।

ତେବେ ଏମାନେ ଘରର ଆଜବେଷ୍ଟ ହଟାଇ ଚୋରି କରୁଥିବା ଜଣାପଡିଛି। ସେକ୍ଟର-15 ଥାନା ଅଞ୍ଚଳରେ 4ଟି କେଶ ତଥା ସେକ୍ଟର-7 ଥାନା ଅଞ୍ଚଳରେ 2ଟି ମାମଲାରେ ପୋଲିସ ଏମାନଙ୍କୁ ଗିରଫ କରି ଘଟଣାର ତଦନ୍ତ କରୁଛି।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ