ରାଉରକେଲା: ହଜ ଯାତ୍ରା ପାଇଁ ଆରମ୍ଭ ହୋଇଛି ପ୍ରସ୍ତୁତି । ଗତବର୍ଷ ତୁଳନାରେ ଚଳିତ ବର୍ଷ ହଜ ଯାତ୍ରୀଙ୍କ ସଂଖ୍ୟା ହ୍ରାସ ପାଇଥିବା ଜଣାପଡିଛି । ଗତବର୍ଷ ହଜ଼ ପାଇଁ 730 ହଜଯାତ୍ରୀ ଓଡିଶାରୁ ଯାଇଥିବା ବେଳେ ଚଳିତ ବର୍ଷ ମାତ୍ର 654 ଜଣ ଓଡିଶାରୁ ଯିବେ । ମହଙ୍ଗା ଯୋଗୁଁ ଯାତ୍ରୀଙ୍କ ସଂଖ୍ୟା ହ୍ରାସ ପାଇଥିବା କୁହାଯାଉଛି ।
ଭିଡିଓ ସୌଜନ୍ୟ : ସମ୍ବାଦଦାତା,ରାଉରକେଲା
ଓଡିଶା ହଜ କମିଟି ଦ୍ବାରା ଜାରି କରାଯାଇ ଥିବା ସୂଚୀ ଅନୁସାରେ ଓଡିଶାର ଭଦ୍ରକରୁ 51,ବାଲେଶ୍ବର ରୁ 28, ମୟୂରଭଞ୍ଜରୁ 5 ଅର୍ଥାତ ଏହି 3 ଜିଲ୍ଲା ରୁ 84 ଜଣଙ୍କ ଟୀକାକରଣ ତଥା ତାଲିମ ଜୁଲାଇ 13 ତାରିଖରେ ପ୍ରଦାନ କରାଯିବ । ସେହିଭଳି ଯାଜପୁରରୁ 66 ତଥା କେନ୍ଦୁଝରରୁ 16 ଅର୍ଥାତ 82 ଜଣଙ୍କୁ ଯାଜପୁରରେ ଟୀକାକରଣ ତଥା ତାଲିମ ପ୍ରଦାନ କରାଯିବ। ସୁନ୍ଦରଗଡ଼ ଜିଲ୍ଲାରୁ 94,ସମ୍ବଲପୁର ରୁ 27 ତଥା ଝାରସୁଗୁଡାର 3 ଜଣ ଅର୍ଥାତ 124 ଜଣଙ୍କ ଟୀକାକରଣ ତଥା ତାଲିମ କାର୍ଯ୍ୟକ୍ରମ ଜୁଲାଇ 17 ତାରିଖରେ କରାଯିବ ।