ରାଉରକେଲା: କେନ୍ଦ୍ର ସରକାରଙ୍କ ସୁପ୍ରବନ୍ଧନ ଯୋଗୁଁ ବିଶ୍ବରେ ମାନ୍ଦାବସ୍ଥା ଚାଲିଥିବା ସମୟରେ ଦେଶରେ ଏହାର ପଡିନାହିଁ କୌଣସି ପ୍ରଭାବ । ସ୍ଥାନୀୟ ସେକ୍ଟର-3 ପାର୍ଟି କାର୍ଯ୍ୟାଳୟରେ ସାମ୍ବାଦିକଙ୍କ ସହ କଥା ହୋଇ ଏପରି ସ୍ପଷ୍ଟୋକ୍ତି ଦେଇଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ତଥା ସୁନ୍ଦରଗଡ ସାଂସଦ ଜୁଏଲ ଓରାମ ।
ଜୁଏଲଙ୍କ କହିବା ଅନୁଯାୟୀ ସରକାର ନେଇଥିବା ବିଭିନ୍ନ ପଦକ୍ଷେପ ଯୋଗୁଁ ଆର୍ଥିକ ମାନ୍ଦାବସ୍ଥାର ଦେଶରେ ପଡିନାହିଁ କୌଣସି ପ୍ରଭାବ । ଏଥିସହ ଆଗାମୀ ଦିନରେ ପରିସ୍ଥିତିରେ ସୁଧାର ଆସିବା ନେଇ ମଧ୍ୟ ସେ କହିଛନ୍ତି । ବଡ ଟିକସ ରିହାତି କାରଣରୁ ଭାରତ ସରକାରଙ୍କୁ 1.45 ଲକ୍ଷ କୋଟି ଟଙ୍କା ଟିକସ ଆୟ କମ୍ ହେବା ନିଷ୍ପତ୍ତି ପଛରେ ଅର୍ଥନୀତିକୁ ଗତିଶୀଳ କରିବା ମୂଳ ଉଦ୍ଦେଶ୍ୟ ବୋଲି ସେ କହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା