ଟ୍ରେନରୁ ରକ୍ତାକ୍ତ ମୃତଦେହ ଉଦ୍ଧାର

ରେଳ ଷ୍ଟେସନରେ ଟ୍ରେନରୁ ଏକ ରକ୍ତାକ୍ତ ମୃତଦେହ ପୋଲିସ ଉଦ୍ଧାର କରିଛି । ପ୍ରଥମେ ହତ୍ୟା କରି ପରେ ଏହାକୁ ଟ୍ରେନରେ ରଖିଥିବାର ସନ୍ଦେହ କରାଯାଉଛି ।

ରାଉରକେଲା: ରେଳ ଷ୍ଟେସନରେ ଟାଟା ପାସେଞ୍ଜର ଟ୍ରେନରୁ ଏକ ରକ୍ତାକ୍ତ ମୃତଦେହ ମିଳିଛି । ପୋଲିସ ଟ୍ରେନରୁ ମୃତ ଦେହକୁ ଉଦ୍ଧାର କରିଥିବା ବେଳେ ମୃତକର ପରିଚୟ ମିଳି ପାରିନାହିଁ ।

ଟ୍ରେନରେ ବହୁତ ଦୁର୍ଗନ୍ଧ ହେବାରୁ କେତେକ ଲୋକ ରେଳ ପ୍ରଶାସନକୁ ସୂଚନା ଦେବା ପରେ କପଡାରେ ବନ୍ଧା ହୋଇଥିବା ରକ୍ତାକ୍ତ ମୃତଦେହକୁ ପୋଲିସ ଉଦ୍ଧାର କରିଥିଲା ।

ହତ୍ୟା କରି ମୃତ ଦେହ ଗାଡିରେ ରଖି ଦେବା ସନ୍ଦେହ କରାଯାଉଥିବା ବେଳେ ଶବ ବ୍ୟବଚ୍ଛେଦ ପରେ ହିଁ ମୃତ୍ୟୁର କାରଣ ସ୍ପଷ୍ଟ ହେବ ।

ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ