ରାଉରକେଲା: ନରେନ୍ଦ୍ର ମୋଦି ୨.୦ ସରକାରଙ୍କ ପ୍ରଥମ ପୂର୍ଣ୍ଣାଙ୍ଗ ବଜେଟ୍ ଶୁକ୍ରବାର ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ଉପସ୍ଥାପନ କରିଛନ୍ତି । ତେବେ ଆଜିର ଏହି ପୂର୍ଣ୍ଣାଙ୍ଗ ବଜେଟ୍ ଉପସ୍ଥାପନ ଉପରେ ସମସ୍ତଙ୍କ ନଜର ରହିଥିଲା । ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଦ୍ବାରା ଆଗତ ଏହି କେନ୍ଦ୍ରୀୟ ବଜେଟକୁ ସବୁ ବର୍ଗର ଲୋକେ ସ୍ୱାଗତ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା ଏହି ଅବସରରେ ରାଉରକେଲା ଚାମ୍ବର ଅଫ କମର୍ସ ଏଣ୍ଡ ଇଣ୍ଡଷ୍ଟ୍ରୀ ପରିସରରେ ଏକ ବିଶେଷ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏଥିରେ ଟାକ୍ସ କନ୍ସଲଟାଣ୍ଟଙ୍କ ସମେତ କଳକାରଖାନା ମାଲିକ ତଥା ବ୍ୟବସାୟୀମାନେ ଯୋଗ ଦେଇଥିଲେ । ଅର୍ଥମନ୍ତ୍ରୀଙ୍କ ଦ୍ବାରା ଉପସ୍ଥାପିତ ବଜେଟ ଉପରେ ସମୀକ୍ଷା ମଧ୍ୟ କରାଯାଇଥିଲା ।
ଏହି ବଜେଟ୍ ସବୁବର୍ଗର ଲୋକମାନଙ୍କ ପାଇଁ ହୋଇଥିବା କୁହାଯାଇଛି । ଖାଲି ସେତିକି ନୁହେଁ ଜିଏସଟିର ସରଳୀକରଣ ସହିତ କୃଷକ, ବ୍ୟବସାୟୀ ତଥା ଦେଶର ବିକାଶ ପାଇଁ ଏହା ଉଦ୍ଦିଷ୍ଟ । ଅନେକ ଲୋକ ଏହାକୁ ଏକ ପାରମ୍ପରିକ ବଜେଟ ଛଡା ଅନ୍ୟ କିଛି ନୁହେଁ ବୋଲି କହିଛନ୍ତି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
